Receta

Byreku i Ditës së Verës me 12 barishte nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 13 Mars 2023, 12:09 | Përditesimi: 13 Mars 2023, 12:11

Byrek me 12 barishte

Përbërësit:

1 pako petë
Spinaq
Pazi
Hithra
Lëpjetë
Labot
Presh
Qumështore
Qepë të njoma
Hudhra të njoma
Majdanoz
Nenexhik
Koper
4 vezë
250 ml qumësht
150 ml vaj ulliri
1 lgj gjalpë i tretur
200 gr djath i bardhë
Kripë, piper

Përgatitja:

LEXO EDHE:
Pulë me oriz në furrë nga zonja Albana

Të gjitha jeshillëqet pasi i kemi larë mirë, i presim imët, i shtrydhim me duar dhe i përziejmë me djathin e thërrmuar, 3 vezë dhe pak qumësht. Pjesën tjetër të qumështit e përziejmë me 1 vezë dhe vajin e ullirit për të spërkatur petët.

Shtrojmë petët në tepsi duke i spërkatur çdo 2 petë me masën e qumështit me vaj. Vendosim mbushjen duke e hapur mirë dhe vazhdojmë me petët e tjera duke i spërkatur. Në fund e lyejmë sipërfaqen e byrekut me gjalpë të tretur dhe e vendosim të piqet në furrë të nxehtë në 200 gradë Celsius për 45 minuta.

MC/Shqiptarja.com

TAG: