POP 5

Lajmet më të lexuara të 5 minutave të fundit

Kronikë

Byroja Kombëtare e Hetimit reagon ndaj akuzave të Gazment Bardhit: Rekrutimi i punonjësve, në bazë të ligjit! Çdo dyshim keqdashës nuk do të na pengojë

Byroja Kombëtare e Hetimit ka reaguar pas disa akuzave drejtuar nga Sekretari i Përgjithshëm Gazment Bardhi ndaj këtij institucioni. Bëhet fjalë për një deklaratë në seancën plenare të datës 20 korrik, ku Bardhi aludoi mbi procesin e rekrutimit të saj dhe nxjerrjen e sekretit gjatë kryerjes së detyrës

Byroja Kombëtare e Hetimit reagon ndaj akuzave të Gazment Bardhit: Rekrutimi i punonjësve, në bazë të ligjit! Çdo dyshim keqdashës nuk do të na pengojë

Gazment Bardhi

Byroja Kombëtare e Hetimit ka reaguar pas disa akuzave drejtuar nga Sekretari i Përgjithshëm Gazment Bardhi ndaj këtij institucioni. Bëhet fjalë për një deklaratë në seancën plenare të datës 20 korrik, ku Bardhi aludoi mbi procesin e rekrutimit të saj dhe nxjerrjen e sekretit gjatë kryerjes së detyrës.

Në reagim thuhet se Drejtori i BKH-së s’ka të drejtë të kërkojë hetime kur nuk është vetë i përfshirë.

“Procesi i rekrutimit të gjithë punonjësve, në zbatim të ligjit nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”, i ndryshuar, duke filluar që nga Drejtori i BKH-së, kalon në disa faza të detajuara, të mirëpërcaktuara nga një Komision i përbërë nga Drejtuesi i Prokurorisë së Posaçme, dhe dy Prokuror të Posaçëm, si dhe është monitoruar në çdo fazë nga një Komision i përbërë nga ekspertë të drejtësisë penale të caktuar nga misionet e SHBA -së dhe BE-së.

Byroja Kombëtare e Hetimit gjatë kryerjes së detyrës udhëhiqet nga misioni për të luftuar krimin e organizuar dhe korrupsionin në të gjitha nivelet, në mënyrë të pavarur nga çdo ndikim i paligjshëm , me kryefjalë ”ruajtjen e sekretit për çdo veprim që kryen “, në bazë të ligjeve në fuqi.

Drejtori i Byrosë Kombëtare të Hetimit i ka të parashikuara në ligj shumë qartë detyrat funksionale përsa i përket pjesës hetimore dhe asaj administrative e organizative. Parashikimet ligjore nuk i japin të drejtë Drejtorit të BKH-së të njihet, marrë apo të kërkojë informacion mbi hetime, kur nuk është vetë i përfshirë në kryerjen e veprimeve si hetues.

Byroja Kombëtare e Hetimit si një strukturë e specializuar e Policisë Gjyqësore që heton veprat penale në juridiksionin penal të Prokurorisë së Posaçme, nga fillimi i funksionimit të saj ka treguar integritet, paanshmëri, profesionalizëm dhe përkushtim në përmbushjen e misionit të saj, kjo e shprehur edhe me rezultatet e deritanishme.

Garantojmë opinionin publik se çdo dyshim keqdashës i pabazuar që cënon imazhin e institucionit nga cilido dhe kudo, nuk do të na pengojë dhe as do të ndikoj në përmbushjen e detyrimeve tona ligjore.”- thuhet në reagimin e plotë.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ledi: 31/07/2023 19:29

    Vet e ka fajin si BKH dhe SPAK qe e lane pa gjykuar Bardhin per krijimin e grupeve militante te mbrojtjrs se votes ,ku u vra mjeku Pjerin Xhuvani dhe ky karafil nuk direzpi vradesin tek policia.Ky duhet te ishte ne burg bashje me Salianj babalen jo te kaksrisin gjoja si opozitsr.Furoni denglat e ketyre tani

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

25 Dhjetor, 16:02