POP 5

Lajmet më të lexuara të 5 minutave të fundit

Sport

Caktohet data dhe ora e derbit, Asani provokon duke pyetur Trashin: I njëjti film, e njëjta histori?

Federata shqiptare e futbollit ka caktuar kalendarin e javës së gjashtë të Superligës me derbin që do të luhet të dielën në orën 16:00.

Pas mbylljes së javës së pestë federata shqiptare e futbollit ka zyrtarizuar kalendarin për javën e 6 të Superligës, ku më shumë interes padyshim përbën derbi mes Tiranës dhe Partizanit. Për këtë arsye të shtunën do të luhen 4 ndeshje, të gjitha në orën 16:00. Bylis do të presë në Ballsh Flamurtarin, Vllaznia në Shkodër Skënderbeun, Teuta në Durrës Kukësin, ndërsa Laçi do të luajë në transfertën e Gjirokastrës kundër Luftëtarit.

Për t’i dhënë rëndësinë më të madhe derbi do të luhet të dielën e 29 shtatorit në orën 16:00. Dihet tashmë që federata prej javësh ka vendosur të fikë dritat e superiors për shkak se impantet nuk i plotësojnë kushtet, ndërsa nga ky rregull kanë shpëtuar vetëm ‘Loro Boriçi’ dhe Elbasan Arena’.

Gjithsesi Tirana e cila udhëheq kampionatin së bashku me Kukësin do të tentojë më patjetër fitoren në derbi kundër Partizanit, pasi bardheblutë në 17 ndeshjet e fundit nuk njohin asnjë sukses ndaj rivalëve të qytetit. E fundit daton më 7 shkurt të 2014, rreth 5 vite e 7 muaj më parë.

Që prej asaj periudhe kjo është sfida ku Tirana duket më e avantazhuar se kurrë pavarësisht se ndeshjet e fundit bardheblutë u mposhtën nga Kukësi. Por nga ana tjetër Partizani po kalon shumë ulje-ngritje dhe derbi sipas të gjitha gjasave është mundësia e fundit për trajnerin Franco Lerda.

Në derbi thuhet se diferencat sheshohen, për shkak të grintës që japin lojtarët, të cilët në kampin e kuq duken më shumë optimistë. Kunjat kanë nisur që të dielën, me Jasir Asanin, që në rrjetet sociale ka shkruar: “Gati për sfidën e radhës Lorenc Trashi. I njëjti film e njëjta histori?”

 

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Spahiu thirrje: Rama dhe Kurti të fillojnë bashkimin e Shqipëri-Kosovë në një shtet kombëtar

Spahiu thirrje: Rama dhe Kurti të fillojnë bashkimin e Shqipëri-Kosovë në një shtet kombëtar

28 Nëntor, 21:16