Ministri i Punëve të Jashtme i Britanisë së Madhe, David Cameron vijon sot ditën e dytë të vizitës në Kosovë ku është pritur nga shefja e diplomacisë kosovare, Donika Gërvalla-Schëarz.
“Britania duhet t’i përkrahë miqtë e saj në një botë me konflikte të mëdha” tha Cameron në konferencën për median me ministren Gërvalla.
Ish-kryeministri britanik tha se ata vazhdojnë të mbeten mbështetës të mëdhenj të Kosovës.
“Ne jemi mbështetës të mëdhenj të pavarësisë së Kosovës, të sovranitetit të Kosovës, dhe të së drejtës së Kosovës për t’u njohur nga të tjerët”, ka thënë Cameroni në konferencë për media.
Ndër të tjera vuri theksin tek stabiliteti në Ballkanin Perëndimor.
“Mendoj që njëra prej gjërave që e dëgjova e që është shumë e rëndësishme është rëndësia e stabilitetit në Ballkanin Perëndimor në përgjithësi. Kjo është diçka në të cilën po investon Britania e Madhe. Është diçka tepër e rëndësishme për interesin tonë kombëtar. Jetojmë në një botë me pasiguri të mëdha, me konflikte të mëdha, dhe është një periudhë ku shtetet si ne Britania duhet t’i përkrahim miqtë tanë, të punojmë për së afërmi në aleancat tona” tha Cameron
Cameron zhvilloi edhe një takim me trupat britanikë të NATo-s në Kosovë, duke theksuar se Britania e Madhe është krenare që po ndihmon një shtet sovran dhe të pavarur, duke theksuar se në këtë mënyrë po arrihet stabiliteti në rajonin e Ballkanit Perëndimor për të mos ngjallur konfliktet e vjetra mes shteteve.
Kryetari i Partisë Demokratike, Lulzim Basha falënderoi sot përmes një mesazhi në rrjetet sociale ish-kryeministrin britanik, David Cameron për vizitën në Kosovë. Ai e ka cilësuar këtë vizitë domethënëse.
“Falemnderit David Cameron për vizitën domethënëse të nisjes së vitit në Republikën e Kosovës dhe për mesazhet e qarta në mbështetje të paqes, stabilitetit dhe vlerave euroatlantike për Kosovën dhe të gjithë rajonin. Mirënjohës për rolin vital që Mbretëria e Bashkuar luan së bashku me NATO-n për të garantuar paqen dhe stabilitetin në Ballkanin Perëndimor dhe investimin në një të ardhme më të mirë për të gjithë popujt tanë. Shqiptarët janë të privilegjuar të qëndrojnë krah një mikeje dhe aleateje si Mbretëria e Bashkuar”, shkroi Basha në rrjetet sociale.
Ministri i Jashtëm britanik, David Cameron gjatë vizitës në Prishtinë ka takuar edhe trupat e Mbretërisë së Bashkuar që ndodhen në Kosovë në kuadër të misionit të NATO-s.
Ai tha se Mbretëria e Bashkuar e di se po ndihmon në atë që është e drejtë dhe po luan një rol jetin në ruajtjen e stabilitetit në Ballkanin Perëndimor për të shmangur shfaqjen e konflikteve të së shkuarës.
“Britania po ndihmon me të gjitha ato gjëra dhe është e drejtë që ne e bëjmë. Stabiliteti në Ballkan, siguria në Ballkan, ndalimi i atyre që duan të krijojnë stabilitet dhe të krijojnë probleme, ky është një interes i drejtpërdrejtë kombëtar britanik dhe kjo është arsyeja pse unë jam këtu duke falënderuar trupat tona për punën që bëjnë. Duke punuar me qeverinë e Kosovës dhe duke i ndihmuar me agjendën e tyre dhe duke e njohur këtë është një vend i pavarur sovran që meriton mbështetjen tonë teksa ata përpiqen drejt sigurisë dhe suksesit. Mbretëria e Bashkuar është krenare për mbështetjen e saj të gjatë për sovranitetin dhe pavarësinë e Kosovës dhe ne po luajmë një rol jetik në ruajtjen e stabilitetit në Ballkanin Perëndimor për të siguruar që konfliktet e së kaluarës të mos ndizen edhe një herë”- tha Cameron teksa vizitoi trupat britanikë.
Presidentja e Kosovës, Vjosa Osmani ka pritur sot në takim Sekretarin e Jashtëm të Britanisë së Madhe, David Cameron. Sipas një njoftimi të presidencës, në takim është diskutuar për raportet mes dy vendeve.
Osmani, në takim raportohet se ka theksuar rëndësinë e anëtarësimit të Kosovës në NATO.
“Në takim u diskutua edhe për situatën e sigurisë në rajon dhe më gjerë, me atë rast Presidentja Osmani e informoi sekretarin Cameron edhe për përpjekjet e vazhdueshme destabilizuese të Serbisë, përfshirë aktin e agresionit dhe aktin terrorist kundër Republikës së Kosovës më 24 shtator", thuhet në njoftimin e presidencës.
Osmani gjithashtu ka folur edhe për grupet terroriste të mbështetura nga Beograd.
“Në këtë drejtim, Presidentja foli edhe për grupet terroriste, të mbështetura nga Beogradi, të cilat vazhdojnë të krijojnë frikë dhe intimidim brenda komunitetit serb. Pavarësisht kësaj, Presidentja Osmani theksoi se Kosova është shembull në rajon sa i përket të drejtave të komunitetit joshumicë, ndërsa riafirmoi përkushtimin e plotë të Kosovës për ta fuqizuar çdo qytetar, pa dallim", thuhet në njoftimin e presidencës.
Alicia Kearns
Kryetarja e Komitetit për Punë të Jashtme në Parlamentin e Britanisë së Madhe, Alicia Kearns ka reaguar për mes një postimi në llogarinë e saj në "X" në lidhje me vizitën e ministrit të Jashtëm britanik, David Cameron në Kosovë.
Gjatë kësaj vizite Cameron është pritur nga kryeministri i Kosovës, Albin Kurti. Kearns ka shprehur kënaqësinë në lidhje me vizitën e Cameron në Kosovë. Ajo shtoi se Britania e Madhe ka një rol të rëndesishëm për të luajtur si një zë i pavarur dhe për të sfiduar mungesën e drejtësisë në Procesin e Berlinit.
Postimi i plotë:
Më vjen mirë të shoh David Cameron sot në Kosovë. Britania e Madhe ka një rol të rëndësishëm për të luajtur si një zë i pavarur dhe për të sfiduar mungesën e drejtësisë në Procesin e Berlinit. Është koha që ne ta gjejmë forcën dhe zërin tonë për Kosovën dhe të qëndrojmë të palëkundur me ta kundër irredentizmit.
Good to see @David_Cameron in Kosovo today.
— Alicia Kearns MP (@aliciakearns) January 3, 2024
The UK has an important role to play as an independent voice & to challenge the lack of fairness in the Berlin Process.
It is time for us to find our backbone and our voice on Kosovo, and to stand firm with them against irredentism. https://t.co/txKd9V8T6I
Lajme të tjera
-
Kosovë/ Stacioni policor në Zveçan sulmohet me dy granata dore
27 Nëntor, 10:50 -
Kolumbi/ Vjosa Osmani pritet me nderime të larta ushtarake në Pallatin Presidencial nga homologu Gustav Petro
27 Nëntor, 10:07 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Dëshmitë e krimit, Kosova bëhet me muze të të mbijetuarve të dhunës seksuale gjatë luftës
26 Nëntor, 22:29 -
E akuzon për spiunazh, Rusia dëbon diplomatin britanik
26 Nëntor, 15:33 -
E keni njohur Kosovën! Nervozohet Vuçiç: Nuk është thënë kurrë, nuk dua 'Serbinë e Madhe'
25 Nëntor, 21:18 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Kosova po ndërton stacione të reja policore në veri, kryeministri Albin Kurti e konfirmon: Do shërbejë Policia Kufitare!
25 Nëntor, 12:11 -
Takimi me emigrantët, Majko: Dy ditë në Londrën shqiptare, ka gjithmonë shpresë kur ka njerëz që Atdheun e kanë të parin!
24 Nëntor, 20:07 -
PD akuzon Ramën për takimin e Londrës: Pasi i dëboi nga Shqipëria, i dhunoi emigrantët në kryeqytetin britanik! Do përgjigjet
24 Nëntor, 19:03 -
Kosovë/ Ministri i Financave akuzon Prokurorinë Speciale se po lufton Kurtin e motivuar politikisht
24 Nëntor, 17:21 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47
