Çfarè duhet të dish për rritjen e siguracionit të makinave

Të dëgjosh, në kohë krize, rritje tarifash, kjo nuk është e këndshme për asnjë. A kanë patur arsye kompanitë e sigurimeve që ta bëjnë një gjë të tillë? Psh, tregtarët e naftës thonë se u rrit çmimi...
Sigurimi është një shërbim ku, natyrisht, veprojnë edhe ligjësitë e kërkesë-ofertës. Deri tani, ka qenë i kontrolluar rreptësisht nga shteti sektori i sigurimit të detyruar të automjeteve, pra qeveria vendoste një nivel të zbatueshëm për të gjithë. Po çfarë solli liberalizimi? Në Gjykatën e Tiranës, një pjesë e mirë e proceseve civile me zhdëmtime, që zvarriten prej vitesh, janë padi të qytetarëve ndaj kompanive të sigurimeve, të cilat nuk u paguajnë dëmshpërblimet sipas kontratave. Shteti detyron pronarin e çdo automjeti të blejë policën e sigurimit, por nuk u siguron qytetarëve asnjë mbrojtje nga abuzimi i një trusti të vërtetë të sigurimeve. Në treg nuk kanë ndodhur ndryshime të tilla, që të përligjin një rritje të tarifës
 Nuk e ka zbutur këtë problem hyrja në treg e operatorëve të huaj?
Në Shqipëri kanë hyrë në këtë sektor operatorë të rëndësishëm rajonalë. Nuk duhet të jetë faji i politikave të tyre marrëveshja kundër interesave të qytetarëve, por janë drejtuesit ekzekutivë shqiptarë ata, që, të papenguar nga shteti, rendin pas fitimeve shumë të larta