Çfarë duhet të dini për investitorët e "Siva Partners"

Çfarë mund të realizojnë investitorët e SIVA-s nga gjithë këto premtime?
Sa më i vogël të jetë një premtim në fushën e investimeve, aq më i besueshëm bëhet. Turizmi elitar në Shqipëri nuk duket të ketë një perspektivë të besueshme, ndërkohë që shumë vende të tjera evropiane, shumë më të zhvilluara se ne, synojnë turizmin masiv. Duket shumë pak e leverdisshme të ndërtosh dy hotele gjigande vetëm për të strehuar lojtarë të kazinove, pranë ujrave të ndotura të Vjosës apo pranë TEC-it të Vlorës

Kush janë investitorët që prezantohen aktualisht?
Nuk bëjnë pjesë në elitën e investimeve botërore dhe as amerikane. Megjithatë, kapitale të lira në botë ka, mjafton vetëm të krijosh besueshmërinë e një fitimi të përshtatshëm. Ata deklarojnë se pas tyre qendron një fond investimesh dhe nuk kanë nevojë për kredi nga bankat. Përvoja deri tani ka treguar se një numër investitorësh të tillë kanë përdorur kontratën me qeverinë shqiptare për projekte të mëdha si një garanci për të marrë fonde nga burime të tjera financiare, por nuk i kanë sjellë këto kapitale në Shqipëri.