Çmimi i naftës bruto WTI (West Texas Intermediate) vijon të ulet në tregjet botërore. Ditën e premte ajo po kuotohet nën nivelin e 59 dollarëve, ndërkohë që një ditë më parë ra nën 60 dollarë, duke shënuar kështu nivelet më të ulëta që nga viti 2009.
 
Çmimi i naftës në tregun ndërkombëtar ka rënë me mbi 40 përqind që nga qershori i këtij viti, kur në bursë shitej me 115 dollarë për fuçi.
 
Parashikimet janë që vitin e ardhshëm çmimi i naftës të jetë rreth 60 dollarë për fuçi, ndërsa disa analistë parashikojnë çmim edhe më të ulët se kaq.
cmimi i naftes

Redaksia Online
(e.s/shqiptarja.com)