POP 5

Lajmet më të lexuara të 5 minutave të fundit

Sociale

Censi, mbi 12 mijë shpendë ujorë në lagunat e Vlorës! Mbizotërojnë flamingot, pulëbardhat dhe çafkat! Specialisti: Zhurmat dhe gjuetia i dëmtojnë

Në qytetin bregdetar të Vlorës sipas censit të shpendëve rezultojnë të jenë rreth 12 mijë shpend ujorë si dhe rreth 40 specie. Mbizotërojnë flamingot, pulebardhat dhe pelikani kacurrel.

Rreth 11 mijë shpendë janë banorë të luginës së Nartës, ndërsa 1 mijë e 300 shpendë janë pjesë e lagunës së Orikumit. Në Butrint regjistrohet një numër i konsiderueshëm prej 3300 shpendë. Këto shifra u publikuan gjatë censit të shpendëve të kryer këtë janar, kryesisht në shpendët ujorë dimëror.

Specialisti i zonave të mbrojtura Vlorë Nexhip Hysenlakoj ka konfirmuar se flamingot, pulëbardhat dhe pelikani kaçurrel janë shpendët më karakteristikë që gjenden në Lagunën e Nartës gjatë stinës së dimrit. Po ashtu edhe rosat apo çafkat e bardha dhe të përhimëta ndeshen shpesh në dimër.

“Në dimër që vijnë gjatë dimërit dhe pastaj largohen janë disa lloje rosash, janë çafkat që vijnë dhe pastaj lëvizin në vende të ndryshme në bazë të klimës. Ato që janë gjithmonë janë flamingot, pulëbardhat e zakonshme që janë gjithmonë prezente në këto territore”.

"Flamingot kanë habitatin e tyre në kripore për shkak të ushqimit, por edhe laguna të cekëta”, tha specialisti i Zonave te Mbrojtura.

Shqetësues për Hysenlakon shihet gjuetia e paligjshme e shpendëve nga banorët e zonës.

“Gjithmonë ka një konflikt midis popullatave të shpendëve dhe çdo  lloj aktiviteti njerëzor. Por mbi të gjitha ajo që ndikon direktë është vrasja fizike dhe zhurmat, prishja e habitatit. Sigurishtë që po, ne themi se jemi në kushte të mira sa I takon këtij aktiviteti, por gjithësesi nuk është se nuk kemi raste, apo ekziston edhe gjuetia e paligjëshme në zonë”, shton Hysenlakoj.

Regjistrimi i shpendëve të ujit u krye në mbarë vendin gjatë muajit janar 2024 dhe përfshinë të gjitha llojet e ligatinave natyrore dhe ato të krijuara nga njeriu, si edhe të gjithë llojet e shpendëve që hasen në këto habitate.

B.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • tani: 04/05/2024 05:23

    kush kapet duke gjuajtur te denohet me 20 vjet burg...

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

24 Nëntor, 07:35