Kryetari i Bashkisë së Tiranës, Erion Veliaj, së bashku me ministren e Arsimit Evis Kushi, morën pjesë në ceremoninë e dhënies së certifikatave për nxënësit fitues në fazën e tretë të olimpiadave kombëtare 2020-2021, e cila u zhvillua në Liceun Artistik “Jordan Misja” në Tiranë. Veliaj vlerësoi faktin se investimet në arsim, si salla “Tonin Harapi” në shkollën “Jordan Misja”, janë kyçe sa i përket zhvillimit të sistemit arsimor në vendin tonë, i cili po reflektohet tek të rinjtë fitues të garave të tilla kombëtare, por edhe ndërkombëtare, ashtu sikurse iu ka shprehur mirënjohjen e veçantë edhe mësuesve për përkushtimin e tyre.
“Kur mendoj sa shumë punë kemi bërë në Tiranë, si kjo foleja e bukur këtu - salla “Tonin Harapi” - jam shpresëplotë se kemi bërë një investim që u shërben të gjtihëve ju. Fakti se sot kemi çuna dhe goca që fituan olimpiada dhe dolën me sukses, do të thotë se kur ne shqiptarët i vëmë syrin diçkaje, kur kemi një bashkëpunim mes një nxënësi të zellshëm dhe një mësuesi të përkushtuar, nuk ka asgjë që na ndalon. Sot jam shumë krenar, jo vetëm për ata që marrin medalje, por edhe për mësuesit që kanë kontribuar me përkushtimin e tyre,” u shpreh Veliaj.
Kreu i Bashkisë ftoi të rinjtë fitues të olimpiadave të aplikojnë në thirrjen e Bashkisë së Tiranës për projekte për vitin ku Tirana do jetë Kryeqyteti Europian i Rinisë.
“Mezi pres vitin tjetër kur do të jemi Kryeqyteti Europian i Rinisë. E shoh si një mundësi të shkëlqyer thirrjen për projekte apo aktivitete, e cila do të jetë e hapur deri në datën 28 janar! Mund të aplikoni si shkollë apo për një koncert, ansambël apo olimpiadë, por gjithmonë duam që të ftoni edhe miq nga rajoni, ose nga e gjithë Europa, për ta treguar realisht fytyrën europiane të qytetit të Tiranës. Ky do të jetë viti ku ne do të kemi buxhetin më të madh ndonjëherë në Republikën e Shqipërisë në qytetin tonë për rininë, edhe për investimet për çunat dhe gocat e rinj, dhe qielli është limiti se çfarë mund të bëjmë bashkë,” deklaroi ai.
Ndërsa, ministrja e Arsimit, Evis Kushi e vuri theksin te kurrikulat e reja në arsimin parauniveristar të cilat, siç tha ajo, janë dhe baza në çdo olimpiadë të zhvilluar.
“Sot kemi një kurrikul të re në arsimin parauniversitar, që bazohet në kompetenca që t’i bëjë nxënësit të aftë, e pikërisht bazuar mbi këtë kurrikul të re organizohen edhe të gjitha olimpiadat në të gjitha lëndët. Ajo që më gëzon është fakti se ne kemi pjesëmarrës nga të gjitha qytetet e vendit. Kemi një pjesëmarrje shumë të lartë. Janë 30 mijë nxënës që kanë marrë pjesë në fazën e parë dhe sot kemi 103 fitues,” u shpreh Kushi.
Lajme të tjera
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47 -
Vrasja e Martinit, 'arrest me burg' 14 vjeçarit, gjyqi mbahet në spital! I mituri s'tregon ku fshehu thikën: S'mbaj mend çfarë ndodhi! Hetohet kush e ndihmoi
22 Nëntor, 09:36
