Certifikimi i vrojtuesve të plazhit ‘monopol’ i privatit! Federata padit në gjykatë Urgjencën dhe Universitetin e Sporteve! Brataj: S’dinë të japin ndihmën e parë

Në çdo stacion plazhi në Shqipëri, sipas ligjit, duhet të ketë vrojtues plazhi, që jo vetëm ndërhyjnë për të shpëtuar pushuesit që rrezikojnë të mbyten, por edhe sinjalizojnë përmes ngjyrave të flamurit, si në rast e të kuqes, se kur deti me dallgë nuk është i këshillueshëm të frekuentohet.

Report Tv ka dëshmuar me kronika njëra pas tjetër që prej nisjes se sezonit veror, se në shumë plazhe nga jugu në veri, vrojtuesit mungojnë, dhe reagimi i shtetit thuajse është inekzistent. Lëvizja e institucioneve fatkeqësisht vjen në raste fatkeqësish si ajo në Vilë-Bashtovë me humbjen e tre jetëve, babait me dy djemtë. Edhe në këtë rast, pritet të marrë fund zhurma mediatike, që autoritet kontrolluese të pushojnë sërish.

Në mesin e kësaj situate ku ligji shkelet me të dyja këmbët, në gjyq pritet të nisë një përballje mes shtetit dhe privatit, Federatës së Vrojtuesve të Plazhit, organizatë jofitmprurëse që certifikon rojet bregdetare, dhe Urgjencës Kombëtare Mjekësore dhe Universitetin e Sporteve.

LEXO EDHE:
Historike/ Egnatia mposht 2-0 Kukësin dhe fiton Superkupën e Shqipërisë, rrogozhinasit bëjnë ‘tripletë’ trofesh! Largohet Çela (VIDEO)

Por përse federata paditi 2 institucione shtetërore?

Nisur nga panorama e trishtë e plazheve pa vrojtues, Mes urgjencës Kombëtare dhe Universitetit të Sporteve u lidh marrëveshje në prag të sezonit, në mars 2023, për certifikimin të rinjve të universitetit të sporteve si vrojtues plazhi, pas trajnimit edhe nga Urgjenca.

Federata e Vrojtuesve të plazhit, e cila i certifikon vrojtuesit pasi bëjnë kurse me pagesë nga 40 mijë deri në 50 mijë lekë, akuzon dy institucionet shtetërore për dëm ekonomik, pasi i merr kursantët. Së dyti, Federata pretendon se kjo nismë e shtetit rrezikon jetën e qytetarëve, pasi trajnimi i vrojtuesve të plazhit sipas tyre bëhet nga institucione pa licencë.

Për kreun e Urgjencës Kombëtare, Skënder Brataj, është absurde të flasësh për rrezikim të jetës, në kushtet kur edhe vetë Federata sipas tij, duhej të trajnonte aplikantët për dhënien e ndihmës së parë pranë Urgjencës.

“Çudi! Është çudi shqiptare, të akuzosh një institucion shtetëror që ligjërisht duhet të përgatisi dhënien e  ndihmës së parë në çfarëdolloj ambienti , në tokë ajër apo ujë, ta akuzosh për dëm ekonomik apo mbi të gjitha ta akuzosh për rrezik të jetës së qytetarëve është hera e parë që e dëgjoj” tha Skëndër Brataj, Kreu i urgjencës kombëtare.

I ftuar në emisionin e mëngjesit “Rreze Dielli” në Report Tv, Brataj tregon pse u pa e nevojshme trajnimi i vëzhguesve të plazhit nga Urgjenca Kombëtare dhe universiteti i Sporteve, ku tashmë janë certifikuar 30 vrojtuesit e parë

“Por nëse ti si vrojtues nuk njeh sistemin e urgjencës, nuk di si kërkohet ndihmë, nuk di si është standarti i bërjes së masazhit apo i ventilimit apo të gjithave sigurisht që ka një handikap" deklaroi Skëndër Brataj, kreu i urgjencës kombëtare.  

Gjatë bisedës, kreu i Urgjencës Kombëtare, thotë se në vend që palët të përplasen në dyert e gjyqeve, institucionet dhe shoqatat duhet të bëhen bashkë me njëra-tjetrën për një të mirë të përbashkët, shpëtimin e jetëve.

TAG:
• stacion plazhi
• Tirane
• vrojtues plazhi

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1490

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq