Dy gjyqtarë të Durrësit kanë hequr dorë nga gjykimi i çështjes Beleri, e kthyer që nga muaji maj në një çështje me interes të lartë publik dhe diplomatik në marrëdhëniet mes vendit tonë dhe Greqisë. Prej 22 shtatorit, kërkesa e Belerit për leje për t’u betuar si kryebashkiak i Himarës i kaloi gjykatës së Durrësit për moskompetencë nga Gjykata e Posaçme për Korrupsion dhe Krim të Organizuar.
Në pritje të gjykimit Fredi Beleri mbahet në Durrës, ndaj pas pranimit të kompetencës për shqyrtimin e çështjes, u hodh shorti për caktimin e gjyqtarit, po njëri pas tjetrit gjyqtarët Rexhep Bekteshi dhe Besjana Garxenaj, hoqën dorë nga shqyrtimi duke i kërkuar kryetarit të Gjykatës së shkallës së parë të Juridiksionit të Përgjithshëm Durrës zëvendësimin me një gjyqtar tjetër.
Në të dyja rastet, gjyqtarët kanë vlerësuar me ndërgjegje se kanë shkaqe të arsyeshme për të mos shqyrtuar këtë çështje që konsiderohet tejet delikate për sistemin tonë gjyqësor.
Gjyqtari Rexhep Bekteshi ka sjellë në vëmendje për tërheqjen e tij gjykimin e disa çështjeve me shtetas grekë, të cilat janë vënë në diskutim dhe po ashtu faktin se i biri është anëtar i Këshillit Bashkiak të Durrësit si përfaqësues i një force tjetër politike nga ajo e Belerit.
Ky argument i dytë është pranuar nga kryetari i gjykatës Paulin Çera i cili urdhëroi zëvendësimin e këtij gjyqtari me anë të shortit, por edhe gjyqtarja tjetër Besjana Garxenaj kërkoi të mos marrë pjesë në shqyrtim.
Tashmë gjykimin e kërkesës së Belerit e ka marrë përsipër, gjyqtarja Entela Shedola, e cila do të gjykojë kërkesën e Belerit për tu betuar. Seanca është parashikuar të mbahet mesditën e datë 10 tetor.
Jo,zoteri i nderuar,nuk jane frikacake,por arsyetimi i tyre per doreheqje qendron.Nese deshiron me te vertete qe Beleri te marre denimin e merituar,njerezit e drejtesise qe do t'a gjykojne,duhet te kene /letra te bardha/ si te themi,qe neser Beleri te mos kapet pas ndonje /yckle/,ose /lidhje/ qofte dhe rastesore qe mund te kene, e avokatet e tij te kerkojne /mistrial/,sic thuhet ketej nga ne,apo me keq akoma,te veteshpallet i pafajshem me preteksin se eshte perndjekur pa te drejte per 100 arsye qe avokatet e tij do t'i kerkojne me mikroskop.Si morri kot gjitha ata koka te medha drejtesie qe kushtojne sa frengu pulen e me siguri shteti grek ja paguan se ata lloj kushtojne miliona dollare,per qellime te tilla i morri!!
PërgjigjuTurp që të keni frikë nga një kriminel dhe një shtet.Lavdi atyre burrave dhe grave që ji kan treguar vëndin tradhëtarëve të atdheut dhe turp për këta që paguhen me gjakun e popullit.Ata nuk gjykojnë hallet etyre personale.
Përgjigju