Receta

Çevërme, tavë orizi me mish nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 1 Tetor, 11:31 | Përditesimi: 1 Tetor, 11:33

Tavë orizi me mish (Çevërme)

Përbërësit:

1 kg mish qengji/ viçi
1.5 filxhan çaji oriz
2 kokrra qepë
3 fç lëng mishi/ perimesh
3-4 lugë supe vaj
1 lugë supe gjalpë
50 gr arra të qëruara
Majdanoz, rigon
Kripë, piper i zi

Përgatitja:

LEXO EDHE:
Sallatë ruse nga zonja Albana

Ziejmë jo plotësisht mishin, me pak lyrë dhe kripë. Në një tigan hedhim qepën e grirë hollë në formë kubike dhe e kaurdisim në zjarr mesatar, duke i hedhur herë pas here nga pak ujë, derisa të tretet plotësisht. Përgatisim 3.5 filxhanë lëng mishi ose lëng perimesh të nxehtë. Në mungesë të mishit mund të përgatisim lëng kockash me 1 koncentrat pule ose viçi. Në tavën, ku do të gatuajmë çevërmenë, hedhim orizin e larë dhe e vendosim për 5 minuta në sobën e ngrohur në 200 gradë, që të thahet plotësisht. E nxjerrim nga soba dhe e trazojmë orizin me një lugë druri që të shkriftohet. Aty shtojmë piperin e zi, rigonin, majdanozin, gjalpin, arrat dhe lëngun e përgatitur dhe i përziejmë mirë. E provojmë për kripën, që ka lëshuar mishi ose koncentrati, e nëse duhet i shtojmë edhe pak. Vendosim thelat e mishit midis orizit dhe e fusim tavën në furrë, për 35-40 minuta, derisa të shohim që tava të marrë përsipër ngjyrë të pjekur. E heqim nga furra dhe e lëmë të zbuluar për 10-15 minuta, pastaj mund ta shërbejmë.