POP 5

Lajmet më të lexuara të 5 minutave të fundit

Arkiva

CEZ Shpërndarje i kërkon
qeverisë 183 milionë euro

Gazeta "Shqiptarja.com" zbardh sot detaje të raportit paraqitur te Enti Rregullator i Energjisë.  Rritet borxhi i keq i Operatorit shqiptar të Sistemit të Shpërndarjes. Faturat e pa mbledhura kalojnë vlerën e privatizimit 102 milionë euro. Nëse kërkesa pranohet çdo qytetar rrezikon 300 euro.
PDF, Faqja e parë e gazetës SHQIPTARJA.COM
.
CEZ Shpërndarje i kërkon <br />qeverisë 183 milionë euro
TIRANE-Rritet borxhi i keq i kompanisë CEZ Shpërndarea, operatori shqiptar i Sistemit të Shpërndarjes. Nëpërmjet një studimi të paraqitur para Entit Rregullator të Energjisë, CEZ i kërkon shtetit t’i njohë një dëm ekonomik prej 183 milionë euro.

Gazeta “shqiptarja.com” në kryeartikullin e sotëm me titull “CEZ - qeverisë: Duam 183 mln euro, çdo familje 300 euro” të gazetarit Genc Kondi, publikon detaje të studimit që CEZ ka paraqitur pranë Entit Rregullator të Energjisë (ERE).

Shifra 183 milionë euro, është sasia totale e borxhit të keq që kanë vlerësuar ekspertët e “Deloitte & Touch”, të pajtuar nga drejtuesit e CEZ.

Ndërkohë që në vitin 2009, kompania çeke CEZ bleu paketën kontrolluese të Operatorit shqiptar të Sistemit të Shpërndarjes për 102 milionë euro.

Gazeta shkruan se nëse kërkesa do të pranohet kjo shumë do të bjerë në kurrizin e konsumatorëve shqiptarë. Studimin në fjalë, ERE e ka pranuar, por me një koeficient zbutës.

Sipas vlerësuesve të CEZit,gjatë periudhës së viteve 2008-2010, ka patur një normë të lartë mosarkëtimesh, e cila rezulton gjithnjë në rritje. Sipas studimit,
nivelet aktuale të borxhit të keq janë 18.39 për qind gjatë vitit 2008, 20.71 për qind në vitin 2009 dhe rriten në 23.27 për qind në vitin 2010.

Në bazë të kësaj kërkese, në rast se llogaritisim një familje mesatare shqiptare me pesë anëtarë dhe, më tej, del se, afërsisht, çdo familje shqiptare duhet t’i detyrohet CEZ-it, 300 euro.

Detajet mund ti lexoni sot te Shqiptarja.com.  Gazeta zbardh dhe urdhërin e drejtorit të CEZ ku kërkohet hapja e kontratave provizore brenda një dite për konsumatorët, duke përfshirë dhe gjobat.
(s.gera/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04