CEZ ulë kamatëvonesën
për pagesën e energjisë

Enti Rregullator i Energjisë ka miratuar para disa javësh formatin e ri të kontratës mes CEZ dhe konsumatorëve.

Kontrata e re parashikon që në rast vonese në shlyerjen e detyrimeve, CEZ të mos faturojë me më shumë se 0.1 përqind të vlerës së faturës për çdo ditë vonesë. Më parë ky sanksion ishte 1 për qind.

Gjatë vitit që lamë pas ka pasur mijëra ankesa për futje në faturë të ditëve jashtë periudhës një mujore. Kontrata e re pritet ta rregullojë faturimin e padrejtë. Tjetër lajm i mirë për këtë vit dhe dy të tjerët që pasojnë është që për konsumatorët familjarë nuk do të ketë rritje të çmimit të energjisë.