Çfarë ka ndodhur?
Në varrezat e Tiranës ka shumë pak vende për të përballuar fluksin e madh të vdekjeve. Kështu që për të siguruar një vend ku do të prehet i afrëmi i tyre, familjarët shpesh janë të detyruar të paguajjnë para nën dorë.

Kujt ia paguajnë?
Agjencitë funerale thonë se të gjitha pazaret i bëjnë punonjësit e bashkisë së Tiranës, që sipas tyre janë bërë milioner me këtë biznes.

Po vetë agjencitë funerale?
Në fakt edhe vetë agjencitë funerale kanë ndërtuar një skemë të tërë se si të pasurohen me këtë biznes. Ata kanë kapur spitalet dhe kanë ngritur një biznes të tërë atje, duke u lidhur me infermierët, shoferët e autoambulancave.

Sa kushton një ceremoni?
Një ceremoni mund të shkojë deri në 100 mijë lekë të reja, ndërkiohë që në jo pak raste familjarët paguajnë kaq para vetëm për të siguruar një vend, ndërkohë që tarifa e bashkisë është vetëm 25 mijë lekë të reja.