Champions, Liverpool "shuplakë" Cityt të Guardiolës, Barcelona shkatërron Romën

Janë luajtur mbrëmjen e sotme dy ndeshjet e dyta të fazës çerekfinale të UEFA Champions League ku kanë triumfuar Barcelona dhe Liverpool, përkatësisht ndaj Roma dhe Manchester City. Blaugranët e patën të lehtë ndaj Romës, duke i mposhtur me rezultatin 4-1. Ishte De Rossi në minutën e 38 ai i cili shënoi në portën e tij dhe skuadra e Barcelonës kalon në avantazh. Pjesa e parë mbyllet me rezultatin 1-0.

Pjesa e dytë nisi më vrullshëm nga skuadra e Barcelonës, por sërish ishte një autogol i K. Manolas që e dyfishoi rezultatin për Blaugranët. Vetëm pak momente më pas ishte G. Pique ai i cili e dërgoi rezultatin në 3-0 pasi gjuajtja e Suarez u prit nga Becker dhe topi shkoi në këmbët e Piques, i cili nuk mund të gabonte me portën e zbrazur.

LEXO EDHE:
Tirana e 'gjymtuar' në Laç, Erbim Fagu: Më erdhi keq për pikët e humbura në derbi

Ndërsa në "Anfield", Liverpool zhvilloi një ndeshje të shkëlqyer duke mposhtur me rezultatin e pastër, 3-0, skuadrën e Manchester City-t. Liverpoolit i mjaftuan vetëm 30 minuta për të shënuar 3 gola dhe për të nxjerrë me një këmbë jashtë Championsit, skuadrën e Guardiolës.

Salah hapi serinë e golave në minutën e 12-të, ndërsa në të 21-tën, ishte Chamberlein që shënoi një gol spektakolar nga distanca dhe në fund, në minutën e 30’ ishte Sadio Mane që ndëshkoi për herë të 3-të ‘qytetarët’.

Ndaj edhe në sfidën e kthimit, spektakli është i garantuar.

A. S

Sondazhi i ditës:

A besoni se do realizohet vota e diasporës për zgjedhjet e ardhshme?

• Po

  19.8%

• Jo

  71.4%

• Nuk e di

  8.8%

Vota total: 388

• Sondazhi i ditës:

  A besoni se do realizohet vota e diasporës për zgjedhjet e ardhshme?

  Po Jo Nuk e di