Ish-kryeministri Sali Berisha ka komentuar debatin e ministrit të Mbrojtjes, Niko Peleshi me deputetët e opozitës, ku në fokus ishte charteri me të cilin lëviz kryeministri Edi Rama. Përmes një postimi në Facebook, Berisha shkruan se deklarata e Peleshit se charteri i jep dinjitet vendit edhe qesharake.

Sipas Berishës, Peleshit i duket e kotë që një vendi vogël si Shqipëria të ketë një avion për shuarjen e  flakëve, por ndërkohë mbajnë charter që harxhon 200 mijë euro në një udhëtim.

“Ministri i Mbrojtjes zgjedh të mbrojë Ramën dhe avionin e tij në dispozicion por jo jetën dhe pasuritë publike të qytetarëve. Deklarata qesharake e Ministrit të Mbrojtjes Niko Peleshi për zjarret e shpeshta që kanë përfshirë vendin, pasqyron qartë qëllimin e vetëm të qeverisë, i cili lidhet vetëm stërluksin e qeveritarëve dhe me vjedhjen dhe jo mbrojtjen e pasurive të vendit dhe jetës së qytetarëve.

Niko Peleshi ka thënë se është e panevojshme për një vend të vogël si Shqipëria që të ketë një avion të sajin për shuarjen e flakëve sepse kushton rreth 50 milion euro. Pra, Nikos dhe shefit të tij i duket harxhim i kotë një mjet i cili përveçse garanton siguri në raste emergjencash, është gjithashtu i nevojshëm për një vend me verë të nxehtë si Shqipëria për të mbrojtur pyjet nga zjarret”, shkruan Berisha.

Një ditë më parë, Peleshi ishte thirrur nga opozita në Komisionin e Sigurisë për të diskutuar mbi situatën e zjarreve në vend dhe kapacitetin që kanë autoritetet tona për të shuar falkët. Peleshi tha se Shqipëria nuk ka mundësi ekonomike të blejë një avion 50 milionë euro, pasi është shumë i kushteshëm, por përveç kësaj kushton edhe kostoja e mirëmbjatjes jashtë vendit, pasi në Shqipëri nuk ka kompni që merren me shërbime të tilla.

Peleshi debatoi me deputetët demokratë Ervin Salianji dhe Ferdinad Xhaferraj. Salianji e pyeti ministrin nëse është normale që kryeministri të lëvizë me charter, ndërkohë nuk kemi një avion për shuarjen e flakëve. Peleshi u përgjigj se charteri tregon dinjitetin e një vendi, ndërsa nuk mungoi një përgjigje nga Xhaferraj i cili tha se kjo tregon arrogancën dhe korrupsionin e kësaj qeverie

.