Receta

Cheesecake me luleshtrydhe nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 2 Qershor 2023, 11:56 | Përditesimi: 2 Qershor 2023, 11:59

Cheesecake me luleshtrydhe

Përbërësit:

250 gr luleshtrydhe
240 gr biskota
40 gr sheqer kaf
120 gr gjalpë
1 fletë xhelatine
130 ml pana të freskët
120 gr krem djathi
150 gr kos me pak yndyrë
80 gr sheqer pluhur
1 lime / limon
80 gr mjaltë

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Për bazën e ëmbëlsirës, përziejmë biskotat së bashku me sheqerin kaf derisa të përftojmë një pluhur. Shtojmë gjalpin e shkrirë, e përziejmë me lugë dhe e kalojmë në një tavë të sheshtë ëmbëlsirash duke e formuar mirë me anën e pasme të dorës.

Vendosim fletën e xhelatinës në një tas me ujë të temperaturës se ambjentit. Ngrohim 70 ml krem pana të freskët në një tenxhere. Kur kremi të jetë i nxehtë, shtojmë fletët e xhelatinës që të shkrihen. Ndërkohë në një enë të madhe përziejmë kremin e djathit me kosin, sheqerin pluhur, pjesën tjetër të panës, mjaltin dhe lëkurën e limonit. I përziejmë me rrahëse elektrike derisa të përftohet një masë homogjene. Më pas, shtojmë kremin me xhelatinën e shkrirë. Me anë e një spatule vendosim kremin mbi bazën e biskotave duke e niveluar mirë. E vendosim ëmbëlsirën të pushojë në frigorifer për rreth 3 orë. Më pas e dekorojmë sipas dëshirës me luleshtrydhe dhe e shijojmë.

MC/Shqiptarja.com

TAG: