Chelsea fiton me poker dhe
prek titullin kampion në Angli

Chelsea fiton me një poker golash ndaj Southampton duke iu afruar akoma edhe më shumë titullit kampion në Angli.
 
Në ndeshjen e javës së 34-të skuadra e Antonio Conte fitoi me rezultatin 4-2 duke u ngjitur në kuotën e 78 pikëve 7 më shumë se Tottenham i vendit të dytë.
 
Ndeshja e mbrëmjes së djeshme në “Stamford Bridge” ishte spektakolare dhe e dyluftuar pavarësisht rezultatin. Për blutë e Londrës golat u shënuan nga Hazard, Cahill dhe një dygolësh mjaft të bukur Diego Costa ndërsa për miqtë golat mbajnë firmën e Romeu dhe Bertrand në fund të takimit.
 
Edhe 5 ndeshje i kanë mbetur Chelseat për të kurorëzuar një sezon fantastik.Sot luhen edhe tre ndeshje të tjera të prapambetura të Premier League ku Arsenal përballet me Leicester ndërsa Tottenham i vendit të dytë luan ndaj Crystal Palace.
 
Ndërsa në Spanjë Atletico Madrid është surprizuar nga Villareal në ndeshjen e javës së 34-të. Nëndetësja e verdhë e fitoi takimin në Vicente Calderon 1-0 falë një goli të Soriano shënuar 8 minuta nga fundi.
 
Sot luhen ndeshjet e tjera të La Liga ku Barcelona prêt Osasunën ndërsa Real Madrid luan në transfertë ndaj Deportivo La Coruna.


dy.b/shqiptarja.com