Arsenali e nisi mirë duke sulmuar nga minuta e parë, madje duke goditur edhe shtyllën me Uelbeck, por City u tregua më pragmatist duke pritur dhe me anë të një kundërsulmi arriti të kalonte i pari në avantazh me Agueron. Goli çorientoi Arsenalin që humbi ritmin duke e mbyllur pjesën e parë në humbje, por fraksioni i dytë ishte ndryshme.
Vendasit ishin më të karikuar dhe më të saktë para portës duke barazuar me Uilshere dhe me kaluar në avantazh me Sanchez, por në minutat e fundit Demichelis barazoi duke prishur festën e Arsenalit.
Chelsea shkatërroi ekipin e Swansea 4-2, ku spikati sulmuesi brazilian i natyralizuar si spanjoll, Costa, i cili shënoi 3 gola për ekipin e drejtuar nga Murinjo duke u kthyer në idhullin e bluve të Londrës. Southampton mori 3 pikë me vlerë përballë Newcastle duke e shpartalluar me poker, ndërsa Tottenham barazoi 2-2 me Sunderland. Pas 4 ndeshjeve Chelsea kryeson me pikë të plota, i ndjekur nga Swansea dhe Southampton.
Premier League
Arsenal 2 - 2 Manchester City
Chelsea 4 - 2 Swansea City
Crystal Palace 0 - 0 Burnley
Southampton 4 - 0 Newcastle United
Stoke City 0 - 1 Leicester City
Sunderland 2 - 2 Tottenham Hotspur
West Bromwich 0 - 2 Everton
Liverpul 0-1 Aston Villa
Edhe Barcelona e rinisi mbarë kampionatin pas ndërprerjes përballë një kundërshtari që cdo edicion i ka hapur punë, si Athletic Bilbao.
Megjithatë dy asiste të Mesit i dhanë mundësinë brazilianit Neymar që të dërgonte topin dy herë në rrjetë duke marrë pikët e plota në fushën e tyre. Interesimi ishte maksimal në këtë ndeshje, teksa festohej edhe përvjetori i katalunjës me pankarta duke u rikujtuar edhe njëherë institucioneve spanjolle kërkesën për pavarësi.
Reali humbi derbin me Atletikon me rezultatin 1-2. Golin e vetëm të ndeshjes për Realin e shënoi Ronaldo me penallti, ndërsa për miqtë shënuan Tiago dhe Turan duke i dhënë goditjen e dytë radhazi Ancelotit. Në tre ndeshje Reali ka 3 pikë, ndërsa Atletiko 7, pozicionohet e dyta.
Bundesliga
Në Gjermani, kampionët e Bayern Munich fituan përballë Stuttgart me rezultatin e pastër 2-0 duke mos zhgënjyer aspak në fushën e tyre.
Golat për ekipin e Pep u shënuan nga Gotze dhe Riberi, ndërsa zhvilloi një tjetër ndeshje mjaft të mirë spanjolli, Alonso që në pak kohë ka arritur të përshtatet mjaft mirë në Gjermani.
Dortmundi mundi Freiburgun 3-1, ku vlen që të theksohet rikthimi i Kagavës me gol pas aventurës së dështuar te Manchetser United.
Bundesliga
Bayern Munich 2 - 0 Stuttgart
Borussia Dortmund 3 - 1 Freiburg
Hertha Berlin 1 - 3 Mainz 05
Hoffenheim 1 - 1 Wolfsburg
Paderborn 0 - 0 Cologne
d.b/shqiptarja.com