POP 5

Lajmet më të lexuara të 5 minutave të fundit

Bota

CIA u kërkon rusëve të zhgënjyer të ndajnë informacione kundër Rusisë

Agjencia Qendrore e Inteligjencës së SHBA-së (CIA) ka publikuar një video që përmban udhëzime për rusët e zhgënjyer ose të zemëruar me luftën e Kremlinit kundër Ukrainës dhe jetën nën presidentin Vladimir Putin, se si të ndajnë informacione të vlefshme me inteligjencën amerikane në mënyrë anonime dhe të sigurt.

CIA u kërkon rusëve të zhgënjyer të ndajnë informacione kundër Rusisë

Fotografi nga holli i ndërtesës së CIA-s në Virxhinja, SHBA

Agjencia Qendrore e Inteligjencës së SHBA-së (CIA) ka publikuar një video që përmban udhëzime për rusët e zhgënjyer ose të zemëruar me luftën e Kremlinit kundër Ukrainës dhe jetën nën presidentin Vladimir Putin, se si të ndajnë informacione të vlefshme me inteligjencën amerikane në mënyrë anonime dhe të sigurt.

Videoja e shkurtër nga shërbimi më i lartë i inteligjencës amerikane tregon një zyrtar rus dhe familjen e tij, që duket se kanë një jetë të vështirë, dhe pyesin nëse kjo përputhet me ëndrrat e tyre.

“CIA dëshiron të dijë të vërtetën për Rusinë dhe ne po kërkojmë njerëz të besueshëm që mund të na thonë këtë të vërtetë”, thuhet në video.

"Informacioni juaj mund të jetë më i vlefshëm sesa mendoni".

Videoja është shpërndarë edhe në rrjete tjera sociale, duke përfshirë YouTube, Twitter, Instagram dhe Facebook.

Agjencia amerikane shprehu shpresën e saj për të vendosur kontakte me njerëzit që punojnë në shërbimet e inteligjencës, diplomacisë, shkencës dhe teknologjisë dhe tha se është e interesuar për të gjitha llojet e informatave, përfshirë ato politike dhe ekonomike.

Agjencia shpreson t’i bindë personat që janë të pakënaqur ose që e vënë në dyshim pushtimin e Ukrianës nga vendi tyre, që të ndajnë me të informacionet që mund t'i kenë.

"Qëllimi ynë është t'u ofrojmë atyre mjetet më të sigurta të mundshme për të na kontaktuar", tha një përfaqësues i agjencisë.REL

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë/ Drejtori i Policisë: Kevin Hajrulla ndodhej në makinë kur u qëllua (VIDEO)

Atentati në Vlorë/ Drejtori i Policisë: Kevin Hajrulla ndodhej në makinë kur u qëllua (VIDEO)

18 Dhjetor, 22:40