Në muajin shkurt do të nisë akreditimi i universiteteve publike e private. Ministrja e Arsimit Lindita Nikolla ka konfirmuar dy ditë më parë se procesi i vlerësimit të cilësisë do të bëhet për të gjitha institucionet e arsimit të lartë.

“Në fillim të shkurtit fillon procesi i shumë lançuar dhe shumëpritur i vlerësimit të cilësisë së gjithë institucioneve të arsimit të lartë në shqipëri. Dy vite më parë, mund të kishit patur shansin e keq që të konkurroheshe nga studentë të 18 universiteteve private apo filialeve të universiteteve publike që u mbyllën, të cilat ofronin thjesht diploma por asnjë dije”, - u shpreh Lindita Nikolla gjatë një bashkëbisedimi me maturantët.