Diego Armando Maradona në Botërorin Meksikë 1986 i shënoi Anglisë duke prekur topin me dorë. Arbitrat e takimit që përfundoi 2-1 me Argjentinën nuk ia dolën të shihnin faullin, me golin që ka hyrë në historinë e Botëroreve si më i rëndësishmi, për mënyrën e ekzekutimit. I quajtur si "Dora e Zotit", Diego Maradona ka qenë gjithmonë në vëmendje për këtë realizim.
Tanimë gjyqtari i ndeshjes së 1986, Ali Bin Nasser ka vendosur të nxjerrë në ankand topin. "Ka ardhur koha dhe në momentin e duhur topi do dalë në ankand për të gjithë ata që e duan", citohet nga mediet angleze ish-arbitri. Besohet se vlera fillestare e ankandit do jetë mbi 3 milionë euro.
Fanella me të cilën Maradona luajti në atë ndeshje, disa muaj më parë u nxor në ankand nga ish-lojtari i Anglisë, Steve Hoge. 6 milionë euro u shit fanella e Maradonës e shkëmbyer me ish-lojtarin e Anglisë. Tanimë është radha që topi i ndeshjes i dorëzuar në fundin e 90 minutave te arbitri Bin Nasser të dalë në ankand, me Maradonën që vijon të jetë një legjendë paçka se në 25 nëntorin e 2020 ndërroi jetë. Kujtojmë se goli me dorë dhe fitorja në gjysmëfinale me Anglinë, i hapi rrugën Argjentinës që të fitonte Botërorin e Meksikës në 1986, në finalen e fituar 3-2 me Gjermaninë Perëndimore.
Topi që pritet të dalë në ankand
Komente
Lajme të tjera
-
'Një ditë shpresoj se mund të luajmë futboll së bashku në qiell'
29 Dhjetor 2022, 22:31 -
Ikona të Argjentinës, pamjet e rralla të Messit duke luajtur së bashku me Maradonën (VIDEO)
31 Mars 2022, 06:02 -
Qëndroi 6-8 orë në agoni, del autospia e Maradonës! Shtohen zërat për vrasje, asnjë ilaç për zemrën (VIDEO)
23 Dhjetor 2020, 15:38 -
Lamtumirë e fundit: Figurat më të famshme që humbën jetën gjatë vitit 2020
23 Dhjetor 2020, 15:18 -
Napoli nderon me goleadë Maradonën, Tottenham e Sociedad komandojnë në Angli e Spanjë (VIDEO-Golat)
30 Nëntor 2020, 11:36 -
Dhimbje për ikjen e një legjende/ Italia nderon Maradonën, ndalet në minutën e 10 Seria A (VIDEO)
27 Nëntor 2020, 18:00
