POP 5

Lajmet më të lexuara të 5 minutave të fundit

Kronikë

Çmimi i ulët po kalb shalqirin në zonën e Lushnjes, fermerët: Nuk nxjerrim dot kostot e prodhimit, në Tiranë shitet gjashtëfish më shtrenjtë

Mungesa e tregut dhe çmimi shume i ulët po vë në vështirësi prodhuesit e Shalqirit në Imshtë buzë lumit Seman. Sipas tyre shalqiri po blihet me 5-6 lekë kilogrami, dhe me këtë çmim ata nuk nxjerrin dot as kostot e prodhimit. Ndërkohë çmimi i shalqirit në kryeqytet është deri 6 fish më i lartë se në Seman

Fermerët e zonës së Imshtës buzë lumit Seman në Lushnjë prej vitesh të specializuar për kultivimin e shalqirit në fushë të hapur, sot po përballen me mungesë tregu.

Për shkak të këtij problemi dhe çmimit të ulët, shalqiri  po kalbet pasi është lënë në tokë.

Fermerët e Imshtës që është zona e dytë pas Divjakës e njohur për volumin dhe cilësinë shalqirit që prodhon jo vetëm për vendin tonë por edhe në rajonin ku eksportohet, thonë se çmimi nuk mbulon as kostot e prodhimit.

'Kam mbjell 8 dynym, kam hequr 100 kuintal me 80-70 lekë tani kërkohet me 50 lekë. Çfarë të bëjë , duam të ushqehemi nuk ushqehemi dot, unë për veten time kam marrë kredi, çfarë do të bëj unë për ta larë kredinë.

Kostot e një shalqiri shkojnë 40 lekë, 12 lekë e duan punëtorët, 8 lekë shpenzimet transport dhe shkon 60-70 lekë kostoja e një shalqiri. Tregtar nuk ka ata që janë e kërkojnë 5-6 lekë, por ne nuk nxjerrim dot kostot pasi duhet të paguajmë edhe 12 lekë për ta nxjerr shalqirin atje ku e duan.

Ne po e shesim me 50 lekë plus që s’ka kërkesa fare.

Nuk marrim dot shpenzimet tona, ky shalqi duron dhe 1 javë, kemi hedhur lekë në parcela dhe nuk marrim lekët tona”, shprehen fermerët.

Në një kohë kur fermerëve po ju shkon dëm 50% e prodhimit për shkak të çmimit të ulët me të cilin tregtarët kërkojnë tua marrin, në Tiranë 1 kg shalqi kushton minmialisht 6 herë më shtrenjtë se në vendin e prodhimit.

“Çmimi është 5-7 lekë dhe në Tiranë është 350 lekë,  ky është një abuzim midis fermerit që prodhon dhe qytetarit që e blen”, thotë një fermer.

Fermerët që kanë mbi 25 vjet që merren me ketë kulturë përveç mungesës se tregut e lidhin këtë situatë edhe me shtimin e fermerëve të vegjël që  sipas tyre po bëjnë një luftë të pandershme, pasi mbjellin sipërfaqe të vogla dhe e shesin me çmim të lartë.

 

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 19/07/2021 22:24

    Cdo prodhimi ne pikun e sezonit i ulet cmimi natyrshem,por do sugjeroja t'i shisni vet direkt.Ngarkoni kamioncinat e dilni rruge me rruge e lagje me lagje dhe nuk keni nevoje t'i shisni as ne tregun e grumbullimit,as ne trotuare, qe t'ua hedhe poshte policia bashkiake.Gjithashtu nuk do ishte keq sikur t'i perpunoni dhe mesim per here tjeter ,mos mbillni te gjithe te njejten gje dhe me sasi te medha !

    Përgjigju
  • XXX: 19/07/2021 19:08

    Po ikni o legena muti, sharqiri juaj me nivel nitritesh 13 here mbi normen, e ben flak te kuq aparatin mates.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Analiza e VOA: Demokracia në provë në Evropën Lindore mes akuzave për ndërhyrje nga Rusia

Analiza e VOA: Demokracia në provë në Evropën Lindore mes akuzave për ndërhyrje nga Rusia

25 Dhjetor, 19:34