POP 5

Lajmet më të lexuara të 5 minutave të fundit

Arkiva

Çmimi naftës, PS: Mima pranoi që Basha gënjen

TIRANË, 9 Dhjetor/ATSH-Arbi Fortuzi/-. “Deputeti i Partisë Demokratike, Florion Mima gjeti më se fundi kurajon të përgënjeshtronte kryetarin e tij, i cili vetëm disa ditë më parë tha se çmimi i naftës në Europë ka rënë 40% në tre muaj”, tha të martën duke replikuar me deputetin Mima, deputetja e Partisë Socialiste, Blerina Gjylameti. Nga […]
"Deputeti i Partisë Demokratike, Florion Mima gjeti më se fundi kurajon të përgënjeshtronte kryetarin e tij, i cili vetëm disa ditë më parë tha se çmimi i naftës në Europë ka rënë 40% në tre muaj", tha të martën duke replikuar me deputetin Mima, deputetja e Partisë Socialiste, Blerina Gjylameti.

Nga selia e PS-së, Gjylameti, në vijim të debatit mbi çmimin e naftës, ritheksoi qëndrimin e kahershëm të PS-së, se "PD ka probleme me shifrat". "Sigurisht që PD ka ende probleme me shifrat, njësoj si në opozitë, por fakti që deputeti Mima flet për ulje në shkallën mesatare 6,5%, vlerë e përafërt me uljen e çmimit edhe në Shqipëri, tregon se Kryetari Basha gënjente kur thoshte se çmimi në Europë u ul me 40%", nënvizoi Gjylameti, e cila doli në deklaratë për shtyp nga selia e PS-së.

"I kërkuam Partisë Demokratike të na tregonte një vend në Europë ku çmimi kishte rënë 40% në tre muaj. Pas shumë ditësh përpjekje, me shifra të gabuara arritën të na tregonin disa vende ku çmimi është ulur 6-8%, por sërish shumë larg uljes 40% për të cilën gënjente Basha. Sot, vijoi Gjylameti, çmimi i naftës është një debat global, por e rëndësishme për Shqipërinë është se impakti mbi vendin tonë përputhet me vendet e rajonit, jo siç gënjente Lulzim Basha", përfundoi deputetja e Partisë Socialiste, Blerina Gjylameti.

Diskutimi mbi çmimin e naftës
Partia Demokratike e Shqipërisë prej kohësh tashmë akuzon qeverinë se nuk po monitoron çmimin e naftës dhe kjo për arsye klienteliste. Ky "neglizhim" i qeverisë, sipas PD-së ka bërë që çmimi i naftës të mos njohë ulje, ndryshe nga sa ka ndodhur në vendet perëndimore, ku ulja ka qenë deri në 40%, ka theksuar PD.
Nga krahu tjetër Partia Socialiste dhe mazhoranca parlamentare i ka kërkuar PD-së të faktojë qëndrimin e saj duke sjellë shembuj konkret vendesh ku çmimi i naftës ka pësuar ulje. Madje ironikisht, PS ka akuzuar PD-në, se selia blu ka probleme me shifrat dhe se po të monitoronte tregun shqiptar do të vlerësonte se në vendin tonë ulja kap shifrën mesatare të vendeve të rajonit prej 6.5%./ATSH/

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43