Receta

Çomlek me qepë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 15 Nëntor 2023, 12:42 | Përditesimi: 15 Nëntor 2023, 12:44

Çomlek me qepë

Përbërësit:

1 kg qepë të vogla
2 filxhanë kafeje vaj ulliri
1 qepë mesatare
1 kokë e vogël hudhër
1 lugë gjelle salcë dhe pak spec
1 filxhan kafeje verë ose uthull
2 gjethe dafine
Kripë, piper i zi
Pak kanellë (shkop kanelle)

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Qepujkat i pastrojmë dhe të paprera i skuqim në tigan me yndyrë, më pas i vendosim në një tenxhere. Në mungesë të qepujkave mund të përdorim dhe qepë të zakonshme të prera në dysh ose katërsh sipas madhësisë. Në një tigan kaurdisim vetëm një qepë të grirë hollë, hedhim salcë, pak spec, kripë, piper, dafinë, thelpinjtë e hudhrës të paqëruara nga cipa, pak dru kanelle ose 2-3 copë karafil. Përzierjen e shuajmë me uthull ose verë dhe e hedhim tek qepujkat. Shtojmë ujë ose lëng mishi, sa të mbulohen qepët dhe e lëmë çomlekun të gatuhet me kapak të fiksuar mirë që të mos dalin aromat ose në tenxhere me presion për 8-10 minuta. Më i mirë çomleku bëhet kur përgatitet në enë balte ku zierja bëhet e ngadaltë.

MC/Shqiptarja.com

TAG: