Shkëndija e Tetovës ia ka dalë që të marrë tri pikët e radhës në Conference League. Për raundin e pestë në fazën e ligës, kampionët shqiptarë në Maqedoninë e Veriut mposhtën 2-0 në Shkup sllovakët e Slovan Bratislavës. Ekipi i Jeton Beqirit tregoi lojë më të rrjedhshme dhe dëshirë për fitore, andaj u shpërblye me dy gola që në pjesën e parë. Kapiteni Besar Ibraimi në minutën e 33-të detyroi Kenan Bajric që të shënonte në portën e tij, ndërsa Sebastian Spahiu në shtesën e pjesës së parë 'vulosi' shifrat për 2-0. Pas javës së pestë, Shkëndija me shtatë pikë merr vendin e 21-të dhe kërkon të mbajë poziconin që e dërgon në play-off. Ndeshjen e fundit Shkëndija e luan në udhëtim kundër AEK Larnaca në Qipro.

Në 'Fadil Vokrri' të Prishtinës, kampionët e Kosovës, Drita e Gjilanit u mposht 0-3 nga holandezët e AZ Alkmaar. Mijnans në pjesën e parë dhe golat e Jensen e Sadiq në fraksionin e dytë bënë që miqtë të siguronin tri pikë. Me tetë pikë, Drita zbret në vendin e 19-të dhe ndeshjen e radhës e luan në Madrid kundër Rayo Vallecanos.

Një ndeshje nga fundi i fazës së ligës, kryesuesit e Strasbourg e kanë siguruar një vend në fazën tjetër, ndërsa Shkëndija dhe Drita janë në garë për të qenë mes 24 skuadrave më të mira, çka do i kualifikonte në raundin play-off, për të vijuar ndeshjet me eliminim direkt.

Conference League, raundi i pestë - e enjte, 11 dhjetor 2025:

18:45

Breidablik 3-1 Shamrock Rovers

Drita 0-3 AZ Alkmaar

Fiorentina 2-1 Dynamo Kyiv

Hacken 1-1 AEL Larnaca

Jagiellonia 1-2 Rayo Vallecano

Noah 2-1 Legia

Samsunspor 1-2 AEK Athina

Shkëndija 2-0 Slovan Bratislava

Universitatea Craiova 1-2 Sparta Prague

21:00

Aberdeen 0-1 Strasbourg

Hamrum 0-2 Shakhtar Donetsk

KuPS 0-0 Lausanne

Lech Poznan 1-1 Mainz

Lincoln Red Imps 2-1 Sigma Olomouc

Rakou 1-0 Zrinjski Mostar

Rijeka 3-0 Celje

Shelbourne 0-3 Crystal Palace

SK Rapid 0-1 Omonia

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Shkurt, 17:02

    Si e vlerësoni sulmin e SHBA dhe Izraelit ndaj Iranit?

Lajme të tjera