POP 5

Lajmet më të lexuara të 5 minutave të fundit

Sport

Conference League/ Kundërshtarët në fazën e tretë, Laçin e pret 'ferri'! Partizani dhe Vllaznia pa fat

Laçi është skuadra shqiptare që ka më shumë gjasa për t’u kualifikuar në turin e tretë në Konferencë League, por nëse ia del atje e pret një kundërshtar ‘monstruoz’ si Anderlekti. Ndërkohë të lehtë nuk do ta ketë as Partizani, Vllaznia dhe Teuta.

Të enjten katër skuadrat e Superligës shqiptare që marrin pjesë në Konference League do të luajnë ndeshjet e kthimit për turin e dytë kualifikues, por përveç Laçit tre të tjerat do ta kenë shumë të vështirë për të kaluar më tej.

Partizanit i duhet të bëjë të pamundurën kundër Bazelit, për të përmbysur një humbje 3-0 që në teori duket e pamundur, por në rast se ia del në turin e tretë kualifikues do të përballet me fituesin e çiftit Ujpest-Vaduz. Në sfidën e parë hungarezët ia dolën 2-1 në shtëpinë e tyre.

Të vështirë do ta ketë edhe Vllaznia, pasi shkodranët humbën 1-0 ndeshjen e parë kundër Ael-it në Qipro, por gjithsesi sfida e kthimit mund të rezervojë surpriza. Nëse të besuarit e Brdaric ia dalin atëherë në fazën tjetër i prêt fituesi i çiftit Karabag-Ashhod. Në horizont një tjetër kundërshtar tejet problematik për kuqeblutë.

Ndërkohë Teuta, kampionia e Shqipërisë që deri më tani ka bërë figurën më të keqe nga skuadat e Superligës, do të duhet të përmbysë humbjen 2-1 të pësuar në Durrës kundër Inter Escalandes. Në rast se ia dalin kundër skuadrës nga Andora atëherë durrsakët do kenë një rival shumë të vështirë në fazën e tretë të Conference League. Bëhet fjalë për Shamrock Rovers të Irlandës.

Më e favorizuar për të kaluar më tej është Laçi, që ndeshjen e parë kundër rumunëve të Craiova-s e fitoi 1-0. Kurbinasit këtë javë i presin 90 minuta ferri në transfertë, por nëse sigurojnë kualifikimin në fazën e tretë shorti i ka vendosur përballë Anderlektit të Belgjikës, një rivalë i papërballueshëm në teori.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shtetet e pasura zotohen të japin 300 miliardë $ në vit për vendet në zhvillim që përballen me efektin e ndryshimeve klimatike

Shtetet e pasura zotohen të japin 300 miliardë $ në vit për vendet në zhvillim që përballen me efektin e ndryshimeve klimatike

24 Nëntor, 15:33