Draft-teksti më i fundit i marrëveshjes që liderët botërorë shpresojnë të arrijnë deri në fund të Konferencës së Kombeve të Bashkuara për Ndryshimet Klimatike më 12 dhjetor, nuk përfshin përmend heqjen e lëndëve djegëse fosile.
Në vend të kësaj, dokumenti i publikuar të hënën bën thirrje për reduktimin e konsumit dhe prodhimit të lëndëve djegëse fosile, në mënyrë të drejtë, të rregullt dhe të barabartë në mënyrë që të arrihet zero neto deri, para ose rreth vitit 2050 në përputhje me shkencën, raporton agjencia e lajmeve amerikane Common Dreams.
"COP28 tani është në prag të dështimit të plotë. Bota ka dëshpërimisht nevojë për të hequr sa më shpejt karburantet fosile, por ky draft i turpshëm lexon sikur OPEC-u e diktoi fjalë për fjalë. Është edhe më keq nga sa kishin pasur frikë. Është 'Nga Petrostatet, nga Petrostatet dhe për Petrostatet. Si të shkojmë në shtëpi dhe t'u themi njerëzve tanë se kjo është ajo që bota ka për të thënë për të ardhmen tonë?", tha ish-zëvendëspresidenti i SHBA-së Albert Arnold Gore.
![]()
Marrëveshja për të hequr gradualisht lëndët djegëse fosile në COP28 ka qenë një kërkesë kryesore e grupeve të shoqërisë civile dhe delegacioneve me ndikim, duke përfshirë Bashkimin Evropian dhe kombet veçanërisht të cenueshme ndaj krizës klimatike, sipas Reuters.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)