Numri i rasteve të infeksionit nga koronavirusi në botë ka tejkaluar pragun e 6.5 milionë.
Të dhënat deri më tani tregojnë një bilanc prej 6,511,696 infeksionesh të konfirmuara, përfshirë një total viktimash prej 386.073.
Deri më tani, 2,807,420 njerëz janë shëruar në të gjithë botën.
Pandemia në Amerikën Latine po rritet në mënyrë të qëndrueshme, ku në 24 orët e fundit infeksionet kanë arritur në 1.136.034 (+46.555) dhe vdekjet janë 56.426 (+2.195).
Në Brazil është numri më i lartë i rasteve të infeksionit ku numri i përgjithshëm është
584.016 të infektuar dhe në 24 orët e fundit u regjistruan 46,555 raste infeksioni, ose sa gjysma e rasteve në të gjithë Amerikën Latine kurse numri i viktimave është 32.548 vdekje (+2,195).
Sipas autoriteteve të Mbrojtjes Civile gjatë 24 orëve të fundit janë regjistruar 88 viktima nga koronavirusi për një total prej 33 689
Sot numri i të shëruarve sot në Itali ish 957 ndërsa numri i përgjithshëm i tyre ka shkuar në 161 895
Autoritetet raportuan gjithashtu se sot u regjistruan edhe 177 raste të reja pozitiv për një total prej 234.013
Në Rajonin e Lombardisë sot u regjistruan vetëm 29 viktima nga koronavirusi për një total prej 16,201 që nga fillimi i pandemisë.
Gjithashtu sot u kryen 3410 teste tampon dhe u identifikuan 84 raste të reja pozitive
Në Rajon shtrimet në spital vazhdon të ulen: 125 në kujdesin intensiv (-6 ditën e djeshme) dhe 2.954 në repart (-41).
Të shëruarit sot janë 55 kurse rastet aktual positive janë 20.224.
Princi Charles ka folur për herë të parë në lidhje me përvojën e tij me koronavirusin që e goditi butësisht në muajin mars.
"Unë isha me fat, u shërova mjaft lehtë, por e pata koronavirusin dhe mund ta kuptoj se çfarë kalojnë njerëzit e sëmurë", rrëfeu trashëgimtari i fronit duke shprehur afërsinë e tij me ata që humbën të afërmit dhe miqtë për shkak të Covid -19.
"Në veçanti për ata që nuk mund të ishin pranë të dashurve të tyre në kohën e vdekjes. Kjo, për mua, është gjëja më e tmerrshme", vazhdon Charles i cili thotë se ai është "i vendosur për të gjetur një zgjidhje për të parandaluar goditjen nga koronavirusi te njerëzve të tjerë".
E cila është? "Vendosja e natyrës në qendër të ekonomive tona", shpjegon princi 71-vjeçar i cili është angazhuar për kauzën mjedisore prej vitesh. Nëse nuk mësojmë nga pandemia, është mesazhi i djalit të madh të Mbretëreshës Elizabeth, ne mund të përballemi me një kërcënim tjetër të tillë në të ardhmen.
Sipas të dhënave të publikuara këtë mëngjes nga qendra e operacioneve antikoronavirus, në Rusia në 24 orët e fundit janë regjistruar 8,831 raste të reja infeksioni, të cilat kanë rritur numrin e përgjithshëm të infeksioneve në 441,108.
Autoritetet raportuan gjithashtu për 169 teksa numri i përgjithshëm i vdekjeve që nga fillimi i pandemisë është 5,384.
Të shëruarit në 24 orët e fundit janë gjithsej 8.666 dhe totali i tyre është 204.623.
Numri i të vdekurve nga koronavirusi i ri (COVID-19) në Francë ka shkuar në 29.021.
Në 24 orët e fundit, në Francë janë regjistruar 352 raste të reja, me çka numri i përgjithshëm i të infektuarve është rritur në 151.677, njoftoi Ministria e Shëndetësisë.
Aktualisht, 13.514 persona po trajtohen në spitale, prej të cilëve 1.210 gjenden në kujdes intensiv.
Numri i të shëruarve në Francë ka shkuar në 69.455, me 688 të shëruar në 24 orët e fundit.
Në 24 orët e kaluara, në vend janë regjistruar 81 vdekje.
Austria ka thënë se do të heqë kufizimet kufitare, të lidhura me koronavirusin, për të gjitha shtetet fqinje – duke përjashtuar Italinë.
“Prej nesër, nuk do të ketë më kontrolle për të hyrë në Austri”, është cituar të ketë thënë Ministri i Jashtëm austriak, Alexander Schallenberg, në një konferencë për media të mërkurën, raporton agjencia e lajmeve, AFP.
Ai ka thënë se kontrollet me kufirin italian do të analizohen sërish javën e ardhshme, duke shtuar se janë duke konsideruar mundësinë që t’iu mundësohet hyrja italianëve nga rajonet më pak të prekura nga koronavirusi.
Austria ka mbyllur kufijtë e saj në mes të muajit mars.
Deri më tani ka regjistruar rreth 16,000 raste të prekura me sëmundjen Covid-19, që shkakton koronavirusi.
Teksa është një nga vendet e goditura më fort nga infeksioni I Covid-19, Spanja prej disa javësh duket se e ka nën kontroll epideminë.
Duke përfituar nga kjo situatë optimiste, disa spitale në Barcelonë kanë nisur të çojnë buzë detit pacientët e sëmurë nga koronavirusi, si pjesë e protokollit të trajtimit shëndetësorë.
Siç edhe duket në fotografi, pacientët transportohen në bregdet bashkë më shtretërit e tyre.
Në total, Spanja ka konfirmuar deri tani 240,326 infeksione dhe 27,128 vdekje. Dje Ministria e Shëndetësisë njoftoi për një vdekje në 24 orë pas tre ditësh me shifra zero.
Lajme të tjera
-
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Mori çantën e shpinës me dhurata në stacionin e trenit, Parashqevi Simaku i bëri kërkesë gazetares: A mund të më gjeni vajzën që e ka bërë këtë
24 Dhjetor, 12:59 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Elon Musk: Inteligjenca Artificiale do të tejkalojë zgjuarsinë e njerëzve brenda vitit 2030
24 Dhjetor, 09:15 -
E zënë ethet, ish-presidenti amerikan Bill Clinton shtrohet në spital me temperaturë të lartë
24 Dhjetor, 07:08 -
Luigi Mangione deklarohet i pafajshëm për akuzat shtetërore për vrasjen e CEO-s Brian Thompson
23 Dhjetor, 22:52 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
‘Ford’ jep një milion dollarë donacion për inaugurimin e Presidentit Trump
23 Dhjetor, 20:39 -
Presidenti i zgjedhur Trump përsërit thirrjen për të blerë Groenlandën
23 Dhjetor, 20:10 -
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
-
Biden fal dënimet me vdekje, konvertohet dënimi për 37 të burgosur
23 Dhjetor, 16:25
