Covid, Italia bonus deri në 500 euro nëse blen një biçikletë! Ofertat e qeverive europiane për qytetarët (VIDEO)

Ndërsa vendet në të gjithë Evropën fillojnë të lehtësojnë masat e bllokimit të ndërmarra si pasojë e koronavirusit, një pyetje kryesore me të cilën përballen qeveritë është se si t’i bëjnë popullsitë e tyre të lëvizin të sigurt, pa rrezikun e infektimit

Me shërbime të zvogëluara të transportit publik dhe me kushtin e distancimit fizik, qeveritë në të gjithë kontinentin po kërkojnë mënyra të reja për të inkurajuar njerëzit të ecin apo të përdorin biçikletat.

Në mbështetje të qeverive ka dalë edhe OBSH e cila ka deklaruar që “Kurdo dhe kudo që të jetë e mundur, duhet marrë në konsideratë përdorimi i bicikletave për të shmangur dyndjen në transportin publik”

LEXO EDHE:
Po tentonin të kalonin me gomone nga Franca në Angli, mbyten tre emigrantë

Qeveria italiane ka vendosur të subvencionojë blerjen e biçikletave për të gjithë qytetarëve e saj deri në masën 70%. Kjo nismë është pjesë e planit të rihapjes së Italisë ku transporti me mjete urbane do të jetë më i kufizuar. Për ta dekurajuar më shumë përdorimin e këtij transporti për periudhën pas-karantinës, ministria e Infrastukturës dhe Transportit ka propozuar të inkurajojë blerjen e skuterëve, biçikletave dhe automjeteve personale me energji elektrike.

Nëpërmjet tij synohet të paguhet nga shteti 65-70% e vlerës së mjetit, me një tavan prej 500 eurosh.

Mbretëria e Bashkuar

Edhe Qeveria e Mbretërisë së Bashkuar ka njoftuar një paketë prej 2.48 miliardë dollarësh për të vendosur çiklizmin dhe ecjen “në zemër të” planit të transportit të vendit për të provuar dhe lehtësuar presionin mbi transportin publik.

Franca

Qeveria franceze u ka kërkuar njerëzve që të mos përdorin makinat por bicikletat për të lëvizur për në punë kur mbyllja e plotë nga COVID-19 përfundon në 11 maj.

Një iniciativë nga ministria e energjisë dhe transportit përfshin zhvillimin e korsive të përkohshme të biçikletave dhe subvencione me vlerë 21.94 milionë dollarë në drejtim të kostos së riparimeve.

TAG:
• france
• itali
• britani
• Transporti publik
• koronavirusi
• covid
• Biciklistët

Sondazhi i ditës:

Si ka qene per ju viti 2024?

• I mire

  43.6%

• I keq

  22.6%

• As i mire as i keq

  33.8%

Vota total: 1649

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq