Sipas Institutit Kombëtar të Shëndetësisë Publike të Kosovës, gjatë 24 orëve të fundit në vend janë regjistruar 71 raste të reja të infeksionit Covid dhe 7 viktima
Sipas autoriteteve, numri i përgjithshëm i të identifikuarve me Covid që prej fillimit të pandemisë është rritur në 14.637 kurse totali i vdekjeve 596
Ministria e Arsimit tha se nga e hëna do të fillojë mësimi për një grup nxënësish që do të pasohet me grupin tjetër pas një jave, në mënyrë që të shmangen grumbullimet e mëdha. Mësimi do të mbahet me orar të shkurtuar dhe i ndarë në klasa me nga 20 nxënës për të mbajtur distancën fizike ndërmjet tyre.
Maqedonia e Veriut ka raportuar për 98 raste të reja infeksioni dhe 2 vdekje Covid gjatë 24 orëve të fundit.
Sipas autoriteteve në vend, totali i të identifikuarve pozitiv me koronavirus është rritur në 15 792 për një total prej 648 viktimash që prej fillimit të pandemisë.
Numri i përgjithshëm i të shëruarve ka shkuar në 13 184.
Bosnje Hercegovina raportoi sot për 327 raste të reja infeksioni dhe 6 vdekje në 24 orët e fundit.
Totali i të prekurve nga Covid është rritur në 23 465 kurse numri i viktimave ka shkuar në 696
Në Serbi gjatë 24 orëve të fundit janë regjistruar 108 raste të reja infeksioni dhe 2 viktima.
Sipas autoriteteve, totali i rasteve Covid ka shkuar në 32,408 kurse numri i përgjithshëm i viktimave 733.