Në të gjithë botën numri i përgjithshëm i rasteve të identifikuar me koronavirus është rritur në më shumë se 12 milionë e 200 mijë
Sipas të dhënave të azhornuara, totali i viktimave, që nga fillimi i pandemisë është 550 mijë
Renditjen e grafikut të pandemisë në botë e udhëheqin Shtetet e Bashkuara me më shumë se 3 milionë raste Covid, e ndjekur nga Brazili, India, Rusia dhe Peruja
Sipas të dhënave nga Ministria e Shëndetësisë Italiane, gjatë 24 orëve të fundit në vend janë regjistruar 12 viktima nga koronavirusi, për një total prej 34 938 që nga fillimi i emergjencës shëndetësore.
Sot numri i të shëruarve në Itali ishte 295 ndërsa numri i përgjithshëm i tyre ka shkuar në 194 273
Autoritetet e shëndetësisë raportuan gjithashtu se sot u regjistruan edhe 276 raste të reja pozitiv për një total prej 242.639
Në Rajonin e Lombardisë sot u regjistruan 6 viktima nga koronavirusi dhe 135 raste të reja të pozitivitetit Covid.
Tokio për të dytën ditë radhazi ka regjistruar më shumë se 200 raste të reja infeksioni.
Sipas autoriteteve, në 24 orët e fundit në vend janë identifikuar 243 raste pozitive Covid.
Numri i përgjithshëm i infeksioneve në kryeqytetin japonez arritën në 7515, ekuivalent me rreth një të tretën e të gjitha rasteve të koronavirusit të regjistruara në Japoni.
Që nga dita e heqjes së gjendjes së jashtëzakonshme, në fund të majit, pas një zbritjeje fillestare të rasteve, infeksionet filluan të rriten muajin e kaluar, veçanërisht midis të rinjve.
Sidoqoftë, pavarësisht rritjeve të fundit, qeveria nuk planifikon të deklarojë një emergjencë të re shëndetësore, duke deklaruar se sistemi shëndetësor nuk është nën presion të veçantë për shkak të koronavirusit.
Presidentja e përkohshme e Bolivisë, Jeanine Anez u identifikua positive në testine e koronavirusit dhe menjëherë është izoluar.
Anez, e cila mori detyrën më 12 nëntor 2019 pas dorëheqjes së Evo Morales, tha se do të qëndroj në karantinë për 14 ditë dhe pastaj do të shohim cilat do të jenë kushtet.
Anez është kreu i dytë i shtetit i infektuar në Amerikën Latine pas presidentit Brazilian Jair Bolsonaro.
Qeveria në Bolivi ka konfirmuar se të paktën 7 ministra, përfshirë edhe ministrin e Shëndetësisë kanë rezultuar pozitivë me koronavirus.
Kujtojmë që Bolivia ka më shumë se 42,000 raste të konfirmuara dhe më shumë se 1.500 të vdekur nga Covid-19, duke e bërë atë një nga vendet më të prekura në botë.
Ende nuk ka asnjë shenjë të zbritjes së kurbës së koronavirusit në Brazil, ku Presidenti i Republikës, Jair Bolsonaro, gjithashtu u infektua kohët e fundit.
Gjigandi i Amerikës së Jugut ka regjistruar 1223 vdekje dhe 44.571 infeksione në 24 orët e fundit.
Numri i përgjithshëm i rasteve të konfirmuara të Covid-19 në vend është rritur në 1.713.160, ndërsa numri i përgjithshëm i viktimave që nga fillimi i pandemisë ka arritur në 67.694.
Kurba e pandemisë në SHBA vazhdon të rritet. Vendi ka regjistruar një tjetër rekord të ri përsa i përket numrit të rasteve të reja, numër i cili në 24 orët e fundit u raportua se ishte 65 mijë.
Në total rastet e infeksionit, që nga fillimi i pandemsë janë 3.11 milionë kurse viktimat më shumë se 133 mijë.
Kryevirologu i Shtëpisë së Bardhë, Anthony Fauci tha se është e kuptueshme se përse europianët ndaluan fluturimet për dhe nga Amerika, duke treguar gjithashtu se shkalla e infeksionit në Kontinentin e Vjetër është shumë më e ulët se në SHBA.
Mbajtja e nën kontroll e epidemisë do të jetë një problem shumë serioz - shtoi imunologu - sepse koronavirusi nuk është si viruset e tjera që kemi njohur. Ai është shumë efikas në transmetimin nga një person te tjetri.
“Unë jam skeptik në besimin se Covid mund të mbahet nën kontroll pa një vaksinë" – deklaroi Fauci
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Tragjedi në Brazil/ Shembet ura, 2 të vdekur dhe dhjetëra të tjerë të zhdukur
25 Dhjetor, 14:35 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47
