Në të gjithë botën ka mbi 9.4 milion raste infeksioni nga koronavirusi per një total viktimash prej afro 483 mijë
Në 24 orët e kaluara, Shtetet e Bashkuara kanë regjistruar mbi 35.900 raste të reja të koronavirusit, një numër rekord që nga fundi i prillit dhe një nga më të lartat deri më tani që nga fillimi i pandemisë.
Gjithashtu ditën e fundit pati edhe 756 vdekje nga Covid.
Deri tani numri i pergjithshëm i rasteve të infeksionit është 2.380.452 kurse totali i viktimave është rritur në 121.969.
Sipas autoriteteve të Mbrojtjes Civile Italiane, gjatë 24 orëve të fundit në vend janë regjistruar 34 viktima nga koronavirusi.
Totali i viktimave që nga fillimi i pandemisë Covid është rritur në 34 678
Sot numri i të shëruarve në Itali ishte 614 ndërsa numri i përgjithshëm i tyre ka shkuar në 186 725
Autoritetet raportuan gjithashtu se sot u regjistruan edhe 296 raste të reja pozitiv për një total prej 239 706 që nga fillimi i emergjencës shëndetësore.
Në 24 orët e fundit në Mbretërinë e Bashkuar u regjistruan 149 viktima nga koronavirusit.
Sipas autoriteteve numri total i viktimave është rritur në 43.230.
Gjithashtu ditën e fundit pati edhe 1118 raste të reja infeksioni teska totali i përgjithshëm i tyre që nga fillimi i pandemisë ka shkuar në 309 mijë raste
Në 24 orët e fundit në Spanjë janë regjistruar 196 infeksione të reja nga koronavirusi. Sipas autoriteteve kjo është shifra më e lartë që nga data 3 qershor.
Rafael Manuel Ortí Lucas, president i Shoqatës Spanjolle të Mjekësisë Parandaluese tha se "Pjesërisht kjo ishte e parashikueshme, por ajo që na shqetëson është komuniteti që nuk i kushton vëmendje masave të sigurisë”.
Deri tani numri i përgjithshëm i rasteve të infeksionit në Spanjë është 247.086 për një total viktimash prej 28.327
Australia dërgoi 1.000 ushtarë në shtetin e Victorias me shpresën të ndihmojnë në frenimin e përhapjes së koronavirusit atje.
Edhe pse numri i të infektuarve dhe viktimave në këtë vend është relativisht I ulët krahasuar me disa pjesë të tjera të globit, shtimi i rasteve së fundi ka ngjallur frikën e një vale të dytë të sëmundjes.
Shumë vatra të nxehta të s’ja janë identifikuar në Melbourne, ku autoritetet kanë nisur një “blic” testimesh.
“Në vend që të rrimë e të presim sa të mësohet numri i transmetimeve të virusit në komunitet, po shkojmë praktikisht derë më derë për të paraprirë situatën”, deklaroi kryeministri i Victorias, Daniel Andreës.
Ushtria është angazhuar të ndihmojë me testimet dhe detyra të tjera.
Autoritetet vendase po përdorin dhe atë që njihet si “testi i salivës”, me të cilin nuk nevojitet veçse një kampion pështyme në një gotë dhe që konsiderohet më pak i bezdisshëm sesa tamponi.
Hans Kluge, drejtor rajonal i OBSH për Europën deklaroi se në të gjithë Kontinentin Europian numërohen deri tani 2.5 milionë raste koronavirusi.
"Megjithëse ka një përqindje në rënie të infeksioneve globale në krahasim me fillimin e vitit, ende ka pothuajse 20 mijë raste të reja dhe mbi 700 vdekje çdo ditë nga infeksioni i koronavirusit” – tha Kluge
OBSH: Përgatituni për valën e dytë
Hans Kluge tha gjithashtu se "Ne jemi akoma në valën e parë, por duhet të përgatitemi për vjeshtën, kur do të arrijnë ndikimet sezonale virologjike dhe pulmonare. Koronavuris – tha ai - qarkullon akoma në mënyrë aktive, dhe ne nuk kemi ende ilaçe dhe vaksina specifike efektive.
Autoritetet shëndetësore në Rusi raportuan se në 24 orët e fundit në vend u regjistruan më shumë se 7000 raste të reja infeksioni nga koronavirusi.
Me këto shifra numri i përgjithshëm i të identifikuarve pozitivë është rritur në 614 mijë.
Gjithashtu në vend u regjistruan edhe 92 vdekje në 24 orë për një total viktimash prej më shumë se 8000.
Të shëruarit në vend janë gjithësej 375 164, prej të cilëve në ditën e fundit u paportuan të shëruar 6342
Në 24 orët e kaluara totali i rasteve te infeksionit nga koronavirusi në Turqi janë rritur në 191.657, me 1.492 infeksione të regjistruara në 24 orët e fundit nga 53,486 testet e kryera.
Gjithashtu u raportua edhe për 24 viktima të tjera, për gjithsej 5,025 vdekje të konfirmuara që nga fillimi i pandemisë.
Numri i pacientëve të shëruar ka shkuar në 164 234, nga të cilët vetë dje janë regjistruar 1.386 të shëruar
Drejtor i Institutit të Virologjisë në Spitalin Charité në Berlin, Christian Drosten ka paralajmëruar se Gjermania mund të përballet me një valë të dytë të pandemisë COVID-19 .
Ai ka theksuar se vala e dytë e virusit vdekjeprurës mund të shmanget nes masat merren në kohën e duhur.
“Unë nuk jam optimist se brenda një muaji do të kemi akoma një situatë të tillë paqësore siç kemi tani për sa i përket veprimtarisë epidemike. Në dy muaj, unë mendoj se do të kemi një problem nëse nuk i ndizni përsëri të gjithë sensorët e alarmit”,- tha Drosten.
Mjeku i bën thirrje qytetarëve që të mbështesin autoritetet shëndetësore dhe të vazhdojë t’i përmbahen udhëzimeve për distancimin fizik.
Ai iu referua shteteve jugore të ShBA-ve për të cilat tha se po përballeshin me një “situatë të tmerrshme” për shkak të lehtësimit të parakohshëm të karantinës.
Gjermania ka rifutur në karantinë mbi 360,000 persona ditën e martë pas shfaqjes së një vatre koronavirusi në një fabrikë mishi.
Në SHBA, disa shtete, si Nju Jork, Nju Xhersi dhe Konektikat, do t’iu kërkojnë vizitorëve që hyjnë në vend të zbatojnë masën e karantinës 14-ditore.
Rregulla e karantinës do të aplikohet për shtete ku 10 për qind e popullsisë është e infektuar me koronavirs, duke marrë parasysh një mesatare shtatëditore.
Nëntë shtete, duke përfshirë, Allabaman, Arkansasin, Arizonan, Floridan, Karolinën Veriore, Uashingtonin, Utah dhe Teksasin, aktualisht janë të prekura me shkallën e përmendur të infektimit.
Deri tani në SHBA, numri i pergjithshëm i rasteve të infeksionit është 2.380.452 kurse totali i viktimave është rritur në 121.969.
Drejtori i përgjithshëm i Organizatës Botërore të Shëndetësisë Tedros Adhanom tha se parashikon që numri i rasteve me COVID-19 në botë, i cili tani është rreth 9.4 milionë, mund të shkojë në 10 milionë javën e ardhshme.
Më tej, kreu i OBSH tha se shkalla e infektimeve të reja po ecën me hapa të shpejtë.
“Në muajt e parë të shfaqjes së virusit, u raportuan më pak se 10 mijë raste nga OBSH. Në muajin e fundit, janë raportuar rreth 4 milionë raste. Presim që kjo shifër të shkojë në 10 milionë brenda javës së ardhshme”, tha Adhanom.
Në Francë, në 24 orët e fundit janë raportuar 11 vdekje nga koronavirusi.
Shifra e regjistruar e ka rritur totalin e viktimave që nga fillimi i pandemisë në 29.731.
Numri i përgjithshëm i rasteve të infeksionit është rritur në 104 144 nga të cilat 97 janë raportuar ditën e djeshme.
Nga viktimat Covid 19,243 kanë humbur jetën në spitale dhe 10,488 në shtëpitë e të moshuarve
Amerika Latine mbetet ende epiqendra e pandemisë nga Covid.
Në 24 orët e kaluara, Brazili ka regjistruar 1,185 vdekje të lidhura me koronavirusin.
Gjithashtu u raportua edhe për 42,725 raste të reja të infeksionit.
Numri i përgjithshëm i viktimave rritet kështu në 53.830, ndërsa infeksionet e konfirmuara janë 1.188.631.
Lajme të tjera
-
SHBA/ Transferimi i pushtetit, çfarë pritet të ndodhë?
7 Nëntor, 19:20 -
Analisti britanik: Kthimi i Grenell mund të sjellë shqetësime për Qeverinë e Kosovës
7 Nëntor, 17:12 -
Nga çështja e emigrantëve, te luftërat në botë, shtatë gjërat që Trump thotë se do të bëjë si president i SHBA
7 Nëntor, 15:11 -
Zaloshnja: Jo pak sondazhe e paratreguan fitoren e Trumpit në 7 shetet kyçe të SHBA-së
7 Nëntor, 14:53
-
Misteri me Melanie Trump ditën e zgjedhjeve në SHBA
7 Nëntor, 14:51 -
WSJ zbulon planet e Trump për t’i dhënë fund luftës në Ukrainë
7 Nëntor, 14:49 -
Zgjedhjet në SHBA/ Trump u votua nga burrat mbi 45 vjeç! Të rinjtë e gratë i besuan votën Harris
7 Nëntor, 14:18
-
Biden uron Trump për fitoren, e fton në takim në Shtëpinë e Bardhë
7 Nëntor, 14:06 -
NBA/ Lakers bien sërish, Cleveland të pamposhtur këtë sezon! Golden State fiton me kampionët e Celtics
7 Nëntor, 11:06 -
Pse humbi Kamala Harris: Një kandidate e gabuar apo një fushatë e dështuar?
7 Nëntor, 09:56 -
A mund të besojmë Trump se do ndalë luftërat?
7 Nëntor, 09:53 -
Irani: Trump duhet të korrigjojë politikat e gabuara të SHBA-së në të kaluarën
7 Nëntor, 09:20
