Punëdhënësit në SHBA po humbin gjithnjë e më shumë durimin me punonjësit e pavaksinuar. Një numër në rritje biznesesh po kërkojnë që punonjësit e tyre të vaksinohen kundër COVID-19, të alarmuar nga rritja e variantit Delta që është më ngjitës dhe të indinjuar që normat e vaksinimit në SHBA janë ulur.
Për muaj me radhë, shumica e punëdhënësve amerikanë u mbështetën në fushata informacioni, shpërblime dhe stimuj të tjerë për të inkurajuar punonjësit e tyre të merrnin vaksinën kundër COVID-19. Tani, një numër në rritje po imponojnë rregulla për ta bërë më të vështirë për punonjësit të refuzojnë marrjen e vaksinës, disa duke e bërë detyrim, ndërsa disa të tjerë duke u kërkuar të pavaksinuarve që t’i nënshtrohen testimit të rregullt.
Ndër punëdhënësit që po bëhen më të ashpër është qeveria federale, qeveritë e shtetit të Kalifornisë dhe Nju Jorkut, gjigantët e teknologjisë Google dhe Facebook, kompania Walt Disney Co. dhe federata amerikane e futbollit NFL. Disa spitale, universitete, restorante, bare dhe vende të tjera argëtimi gjithashtu kanë filluar të kërkojnë provat e vaksinës.
Por masat e reja nuk ka gjasa të prekin shumë nga miliona amerikanë të pavaksinuar.
Shumë nga kompanitë që po kërkojnë vaksinime kanë kryesisht punonjës të cilët tashmë janë kryesisht të vaksinuar dhe ngurrojnë të punojnë përkrah atyre që nuk janë të vaksinuar.
Në dallim, kompanitë kryesore që mbështeten tek punëtorët me të ardhura të ulëta, prodhuesit e ushqimit, magazinat, supermarketet dhe zinxhirët e tjerë të dyqaneve, po i shmangen masave për ta bërë vaksinimin të detyruar nga frika e largimit të punonjësve dhe përkeqësimit të mungesës së fuqisë punëtore me të cilat përballen biznese të tilla.
Kompania “Tyson Foods” për shembull, tha se rreth gjysma e fuqisë së saj punëtore - 56,000 punonjës - kanë marrë vaksinën pasi kompania ka organizuar më shumë se 100 fushata vaksinimi që nga shkurti. Por kompania tha se nuk ka në plan të imponojë një detyrim për të vaksinuar gjysmën tjetër të punonjësve.
Kompanitë Walmart dhe Amazon, dy punëdhënësit më të mëdhenj privatë në vend, gjithashtu kanë refuzuar ta bëjnë të detyrueshëm vaksinimin për punonjësit e tyre me orë të shkurtuara. Por kompania Walmart tha se punonjësve në selinë e saj qëndrore do t'u kërkohet të vaksinohen deri më 4 tetor.
Qeveria federale, punëdhënësi më i madh në vend njoftoi javën e kaluar se të gjithë punonjësit dhe kontraktorët duhet të vaksinohen ose të testohen çdo javë dhe të humbasin privilegjet siç janë udhëtimet zyrtare.
Qeveria federale ka thënë se do të mbulojë kostot e testeve javore. Sa për punëdhënësit e tjerë, sigurimi shëndetësor mund të paguajë për testime të tilla në disa vende pune, por jo për disa të tjera./ VOA
Lajme të tjera
-
Ish-diplomati amerikan paralajmëron: SHBA-ja nuk do të ketë më qasje tradicionale ndaj Kosovës dhe Serbisë
26 Dhjetor, 15:27 -
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Realizohet me sukses teleportimi i parë kuantik, na afron më shumë me të ardhmen!
25 Dhjetor, 21:44 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06
