'Kaotike dhe e çmendur'. Kështu e përshkruan për ‘The Guardian’, Ben Lilliston nga Instituti Britanik për Bujqësi dhe Politikë Tregtare situatën në thertoret e mishit të cilat janë kthyer në vatra të shpërthimit të infeksionit prej koronavirusit në shumë vende të botës, duke shqetësuar autoritetet shëndetësore.
Me kushte pune të cilat shpesh kombinohen me skllavërinë, thertoret kanë vazhduar punë gjatë gjithë pandemisë dhe kjo ka favorizuar përhapjen e koronavirusit, brenda dhe jashtë.
Rasti më sinjifikant është ai i Shteteve të Bashkuara, me mbi 180 thertore të prekura, por situata të ngjashme raportohen në Irlandë, Spanjë, Gjermani, Mbretërinë e Bashkuar, Kanada, Brazil dhe Australi. Efekti dramatik është vrasja me forcë e mijëra kafshëve që fermerët nuk mund të lejojnë më t'i mbajnë për shkak të bllokimit të zinxhirit të furnizimit me mish.
Sipas The Guardian, se si mund të ketë ndodhur e gjithë kjo është mjaft e qartë. Për shkak të situatave të veçanta të punës në thertore, shpesh pa veshjet e duhura mbrojtëse dhe pa dezinfektime, thertoret janë kthyer në bomba sociale.
Në Shtetet e Bashkuara, 5,000 raste dhe 20 vdekje u regjistruan në fund të prillit në thertoret e vendit. Sipas Qendrës Midwest për Raportime Investigative, infeksionet aktuale të lidhura me thertore duhet të jenë më shumë se 10,000.
Vetëm në disa therore në Dakotën e Jugut në SHBA u infektuan 1850 punëtorë sepse, sipas autoriteteve shëndetësore, ata vazhdonin punën pavarësisht simptomave dhe kjo për arsye ekonomike familjare dhe teska kompanitë iu kishin ofruar deri 500 dollarë shpërblime për punonjësit që do të vazhdonin të punonin, pavarësisht shëndetit të tyre.
Në Evropë, situata në Gjermani është shqetësuese, ku mbi 300 punëtorë, shumë prej tyre emigrantë, u sëmurën në thertoren industriale Müller Fleisch në Birkenfeld. Në Spanjë ka pasur mbi 200 raste në një thertore afër Aragonit, ndërsa në Irlandë ka mbi 560 raste, në 10 thertore.
Sipas Marion Nestle, eksperti i ushqimit i Universitetit të Nju Jorkut, pasojat më të mëdha shkarkohen te konsumatorët e produkteve të mishin të cilët janë më të ekspozuarit nga kasapana e koronavirusit.
Lajme të tjera
-
SHBA/ Trump emëron Brooke Rollins në krye të Departamentit të Bujqësisë
24 Nëntor, 19:16 -
E ardhmja e NATO-s dhe qëndrimet e Trump
24 Nëntor, 17:30 -
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
I’u është refuzuar azili, emigrantët marrin para nga Gjermania për t’u larguar nga vendi
23 Nëntor, 18:43 -
Alban Daci: Lufta III Botërore?
23 Nëntor, 15:23
-
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23
