Në të gjithë botën numri i përgjithshëm i personave të identifikuar të prekur nga koronavirusi është rritur në më shumë se 27 milionë e 500 mijë, kurse totali i viktimave është në pragun e 900 mijë.
SHBA-ja kryeson renditjen në grafikun e pandemisë me mbi 6.3 milionë raste dhe rreth 190 mijë viktima Covid.
Brazili regjistroi gjatë 24 orëve të fundit mbi 14,000 raste dhe 504 vdekje.
Numri i përgjithshëm i rasteve të konfirmuara të Covid-19 në vendin e Amerikës së Jugut është rritur në 4,162,073, një numër që e rendit atë në vendin e tretë më të prekur në botë pas Shteteve të Bashkuara dhe Indisë, ndërsa numri i përgjithshëm i viktimave që nga fillimi i pandemisë ka arriti në 127,463.
Argjentina ka kaluar sot pragun e gjysmë milioni rastesh të koronavirusit.
Sipas universitetit amerikan Johns Hopkins, vendi tani regjistron 500,034 infeksione, përfshirë 10,405 vdekje.
Numri i rasteve të reja të koronavirusit të regjistruar në Hollandë në 24 orët e fundit është 1,140, numri më i lartë ditor i regjistruar që nga muaji prill.
Një ditë më parë, ishin regjistruar 964 infeksione të reja. Totali i të prekurve nga Covid është 77 688 kurse numri i viktimave është 6246
Instituti i Lartë i Shëndetësisë, megjithatë, ka specifikuar se rritja nuk ka të bëjë me rihapjen e shkollave fillore në të gjithë vendin tre javë më parë.
Portugalia regjistroi 646 raste të reja të koronavirusit në një ditë, rritja më e lartë ditore që nga 20 prilli, megjithëse shumë më e ulët se vendet e tjera të Evropës.
Rastet e Covid-19 në Portugali kishin rënë në rreth 100 në ditë në fillim të gushtit, por që atëherë janë rritur, duke alarmuar industrinë e turizmit në veçanti.
Të dhënat nga Ministria e Shëndetësisë treguan se rastet e reja janë përqendruar kryesisht në veri dhe rajonin e Lisbonës.
Totali i të identifikuarve me koronavirus është 61 540 kurse i vdekjeve 1849
Sipas të dhënave nga Ministria e Shëndetësisë Italiane, gjatë 24 orëve të fundit në vend janë regjistruar 14 viktima nga koronavirusi (dje ishin 10).
Totali i vdekjeve që nga fillimi i emergjencës shëndetësore është rritur në 35 577
Autoritetet e shëndetësisë raportuan gjithashtu se sot u regjistruan edhe 1434 raste të reja pozitiv, (dje ishin 1370) për një total prej 281.587 të prekurish nga Covid.
Gjithashtu pati edhe 471 të shëruar, për një total prej 211 272 raste pacientësh.
Në Rajonin e Lombardisë gjatë 24 orëve të fundit u raportua për 3 viktima dhe 218 raste të reja pozitiv.
Numri i përgjithshëm i vdekjeve në rajon ka shkuar në 16 891 kurse totali i rasteve pozitive është rritur në 102 303 që prej fillimit të pandemisë
Mbretëria e Bashkuar ka vendosur që duke filluar nga dita e hënë të ndalohen grumbullimet e më shumë se 6 personave. Kufiri ligjor deri tani ka qënë 30 persona.
Ligji i ri do zbatohet në vendet publike dhe private, duke përfshirë shtëpitë, restorantet dhe parqet.
Qeveria po përpiqet të ndalë hovin e ri të shpërhimit të rasteve Covid që u janë atribuar, në një pjesë të madhe, të rinjve që marrin pjesë në festime dhe duke injoruar rregullat e distancimit shoqëror.
Downing Street tha se veprimi urgjent është i nevojshëm pas rreth 3,000 rasteve pozitive ditore të raportuara të dielën.
Shifra ra në të paktën nën 2,500 të martën. Britania e Madhe ka numrin më të lartë të vdekjeve nga virusi në Evropë.
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13
