Brazili është bërë vendi i tretë në botë me numrin më të madh të vdekjeve që kanë të bëjnë me koronavirusin, duke tejkaluar shifrën 34 mijë viktima, pas një rekord të ri vdekjesh të regjistruara brenda 24 orësh, teska ka kapërcyer edhe Italinë në renditjen e dëmeve të shkaktuara nga infeksioni.
Pandemia ka vrarë afro 390,000 njerëz në mbarë botën që nga shpërthimi i saj në Kinë në muajin dhjetor 2019.
Shtetet e Bashkuara kanë regjistruar mbi 108,000 vdekje (përfshirë 1.021 në 24 orët e fundit). Pastaj renditet Mbretëria e Bashkuar me 39.904 vdekje, Brazili me 34.021, Italia me 33.689 dhe Franca me 29.065.
Alarm në Brazil
Brazili ka raportuar në 24 orët e fundit 1.473vdekje, ndërsa infeksionet e reja janë 30.925, për një bilanc total prej 614.941.
Në 24 orët e fundit, në kontekstin e pandemisë nga koronavirusi, ka pasur një rritje të dukshme të infeksioneve në Amerikën Latine, duke arritur në 1.153.938 (+48.829 në ditën e fundit) kurse totali i viktimave është 59.344 (+2.918 në 24 orët e fundit). Vendi i prekur më keq, siç u përmend, është Brazili i cili ka mbi gjysmën e të infektuarve.
Sipas autoriteteve të Mbrojtjes Civile italiane gjatë 24 orëve të fundit janë regjistruar 85 viktima nga koronavirusi për një total prej 33.774
Sot numri i të shëruarve sot në Itali ishte 1.886 ndërsa numri i përgjithshëm i tyre ka shkuar në 163,781
Autoritetet raportuan gjithashtu se sot u regjistruan edhe 518 raste të reja pozitiv për një total prej 234.531
Në Rajonin e Lombardisë sot u regjistruan vetëm 21 viktima nga koronavirusi për një total prej 16.222 që nga fillimi i pandemisë.
Në kujdesin intensive ndodhen 120 paceintë, 5 më se dje. Në 24 orët e fundit në Lombardi janë regjistruar 402 raste të reja të pozitivitetit ndaj koronavirusit, për një total prej 89.928 që nga fillimi i pandemisë. Sot në rajon pati edhe 572 të shëruar për një total prej 53,853
Tre javë pas rihapjes së shkollave në Izrael janë raportuar rreth 304 raste të reja infeksioni në mesin e studentëve dhe stafit arsimor.
Autoritetet në vend urdhëruan mbylljen e 92 shkollave, kopshteve dhe çerdheve.
Edhe në Franë, pas zbulimit të resteve të reja u mbyllën 70 shkolla.
Masa të ngjashme u bvendosën edhe në Gjermani, në qytetin Göttingen ku në ambientet mësimore u zbuluan 80 infeksione të reja
Franca e ka vënë nën kontroll pandeminë e koronavirusit, tha të premten kryetari i Këshillit Shkencor të Qeverisë franceze, imunologu Jean-Francois Delfraissy.
“Mund të themi se virusi është nën kontroll. Ende qarkullon në disa rajone të veçanta, por qarkullon ngadalë”, tha ai.
Mbi 29,000 njerëz kanë humbur jetën në Francë nga sëmundja që e shkakton koronavirusi, COVID-19.
Numri i viktimave ka qenë të enjten 44.
Sipas Ministrisë së Shëndetësisë, në kujdes intensiv janë aktualisht 1,163 pacientë - shumë më pak se mbi 7,000 raste kritike sa kanë qenë në fillim të prillit.
Delfraissy tha se, aktualisht, në Francë raportohen rreth 1,000 raste të reja në ditë, nga rreth 80,000 në fillim të marsit, përpara se të jepeshin urdhrat mbarëkombëtarë për të qëndruar në shtëpi dhe për të mbyllur bizneset.
Franca ka konfirmuar mbi 189,000 raste me koronavirus. Prej tyre, mbi 70,000 janë shëruar.
Franca është në proces të lehtësimit të masave të izolimit. Të martën ka rihapur edhe restorantet dhe kafiteritë.
Në provincën kineze Hubei, me kryeqytetin Wuhan, ish epiqendra e epidemisë së koronavirusit, të gjithë pacientët e prekur nga Covid-19 janë shëruar.
Kjo u njoftua nga komisioni krahinor shëndetësor, i cituar nga Xinhua.
Që nga dita e djeshme, tre pacientët e fundit kanë dalë nga spitali.
217 persona asimptomatikë që u testuan pozitive mbetën ende nën vëzhgim.
Hubei kishte raportuar gjithsej 68.135 raste të konfirmuara Covid-19 me 4.512 vdekje.
Presidenti turk Rexhep Tajip Erdogan ka njoftuar heqjen e masës së Shtetrrethimit të vendosur në orët e kaluara nga Ministria e Brendshme e Ankarasë, për këtë fundjavë për të penguar përhapjen e Covid-19.
Bllokimi i ri i shtetit do të kishte filluar në mesnatën e sotme për 48 orë.
Masa ishte vendosur teksa duke filluar nga e hëna e kaluar janë rihapur shumë vende publike, përfshirë restorante, bare, muze, biblioteka, plazhe, parqe dhe palestra.
Presidenti Erdogan tha se "Në këtë fazë, unë u kërkoj qytetarëve që të respektojnë me përpikëri rregullat mbi higjienën personale, maskat dhe distancën sociale”.
Mbretëria e Bashkuar regjistron më shumë vdekje të reja COVID-19 sesa gjithë vendet e BE në një ditë, teksa më 4 qershor u raportuan 359 viktima.
BE me 27vende, përfshirë vendet e goditura si Franca, Italia dhe Spanja, njoftuan 311 vdekje të reja rreth të njëjtës kohë së bashku.
Sidoqoftë, ka disa paralajmërime që duhen ditur për këtë.
Së pari, vendet regjistrojnë vdekjen e COVID-19 ndryshe: për shembull, një vdekje nga pneumonia në një vend mund të llogaritet si e lidhur me koronavirusin, por jo edhe në tjetrin.
Së dyti, ndërsa fataliteti mund të regjistrohej si i ri, mund të kishte ndodhur disa javë më parë dhe vetëm tani po raportohet.
Së treti, shpërthimi arriti kulmin në Mbretërinë e Bashkuar më vonë sesa në vendet e tjera europiane, gjë që mund të shpjegojë arsyen e shifrave më të larta.
Sir Patrick Vallance, këshilltari kryesor shkencor i qeverisë së Britanisë së Madhe, tha gjatë informimit të përditshëm nga Downing Street se shkalla e infeksionit COVID-19 në vend “nuk po zbret aq shpejt sa do të donim të ulej”.
Mbretëria e Bashkuar është vendi më i goditur në Europë me numrin e vdekjeve, tani në 39,728. Në nivel global, është i dyti pas SHBA-së përsa i përket vdekjeve.
Trembëdhjetë shtete anëtare, kryesisht kombe lindore dhe vendet baltike nuk regjistruan vdekje të reja, përfshirë Spanjën, ku asnjë vdekje e re nuk është vërejtur për tre ditë me radhë.
Me më shumë se 1.4 milion raste të konfirmuara, Kontinenti i Vjetër gjithashtu përbën gati një të pestën e të gjitha infeksioneve në të gjithë botën.
Nju Jorku ka shënuar një kthesë të madhe në betejën kundër pandemisë Covid-19 teksa të martën dhe të mërkurën nuk ka patur asnjë të vdekur të konfirmuar nga koronavirusi, hera e parë kjo pa asnjë viktimë që nga 12 marsi.
Ndërkohë kujtojmë se kishte rreth 500 viktima të reja çdo ditë gjatë pikut të pandemisë në fillim të prillit.
Gjithashtu numri aktual i vdekjeve nga koronavirusi në Nju Jork është 21.752 përfshirë 16.992 viktima të konfirmuara dhe 6.760 të mundshme.
Në SHBA numri i përgjithshëm i rasteve të infeksionit është 1. 872 660 kurse numri i viktimave është 108 211
Autoritetet në Suedi thanë se do të sigurojnë testime falas, për këdo që ka simptoma të koronavirusit dhe do të kryejë gjurmime të kontakteve, të atyre që janë të infektuar.
Qëllimi i programit të ri të testimit është të kontrollojë shkallët e infeksionit në vend. Suedia nuk ka zbatuar masa të rrepta të izolimit, sikurse shumë vende evropiane.
Qeveria tha se programi i testimit do të kushtojë 640 milionë dollarë.
"Tani e tutje, të gjithë personat me simptoma do të jenë në gjendje të testohen pa kosto për COVID-19", tha ministri i Financave në Suedi, Per Bolund.
Njoftimi u bë, pasi autoritetet e këtij vendi thanë se do të lejojnë udhëtimin e brendshëm nëpër të gjithë vendin, gati tre muaj pasi një gjë e tillë u kufizua si pjesë e masave kundër pandemisë.
"Situata është ende serioze. Ky njoftim nuk do të thotë që rreziku ka kaluar. Nuk do të thotë që jeta të kthehet në normalitet", tha kryeministri suedez, Stefan Lofven.
Suedia ka raportuar gati 42,000 raste me COVID-19, sëmundja që shkaktohet nga koronavirusi, dhe më shumë se 4500 vdekje.
Me përjashtim të një ndalese të tubimeve publike të më shumë se 50 personave dhe vizitave në shtëpitë e të moshuarve, shumica e masave të izolimit në Suedi, nuk kanë qenë ligjërisht të detyrueshme.
Drejtuesit e vendit kanë theksuar në mënyrë të përsëritur se lufta kundër virusit është një "maratonë, jo një sprint".
Por, qasja e tyre është kritikuar brenda dhe jashtë vendit, veçanërisht pasi vdekjet tejkaluan ato në vendet fqinje, të cilat vendosën masa më të rrepta, raporton AFP.
Këtë javë, epidemiologu shtetëror suedez, Anders Tegnell, pranoi se kishte hapësirë për përmirësime në qasjen e vendit ndaj pandemisë dhe se shkalla e vdekshmërisë ishte shumë e lartë.
Në Korenë e Jugut u regjistruan 39 raste të tjera të Covid-19 në 24 orët e fundit, duke e çuar numrin e infeksioneve të raportuara nga autoritetet në 11.668.
Nga rastet e reja, pesë janë të importuara nga jashtë. Asnjë vdekje e re nuk është raportuar që prej dje, duke mbajtur numrin e vdekjeve në 273.
Shkalla e kurimit është 90 përqind, thonë autoritetet, të cilët kanë testuar më shumë se 990,000 njerëz që nga 3 janari.
Meksika, ende një rekord rastesh brenda 24 orësh
Meksika regjistroi një tjetër rekord të përditshëm të rasteve të koronavirusit dje, i treti radhazi: autoritetet shëndetësore të vendit, raporton CNN, kanë njoftuar se të enjten janë zbuluar 4,442 infeksione të reja, për një total prej 105,680.
Në të njëjtën kohë, u regjistruan edhe 816 vdekje të tjera, për gjithsej 12.545 që nga fillimi i pandemisë.
Lajme të tjera
-
E rëndë në Itali, shqiptari qëllohet për vdekje me thikë nga bashkëatdhetari i tij (EMRI)
25 Nëntor, 11:18 -
Itali/ I gjejnë në makinë 16 kg kokainë, arrestohet shqiptari (VIDEO)
25 Nëntor, 10:45 -
Nga Piemonti në Shkodër, pensionistët italianë: Hoqëm dorë nga gjithçka sepse jeta këtu kushton shumë më pak
25 Nëntor, 09:07
-
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57 -
Itali/ Bënin namin me vjedhje në zonën e Udinezes, arrestohen 2 ‘skifterët’ shqiptarë! Sistemi i alarmit i tradhtoi (EMRAT)
24 Nëntor, 22:18 -
Itali/ ‘Skifter’ dhe shpërndarës droge, në pranga 39-vjeçari shqiptar! I gjenden armë, kokainë, hashash, valutë, pajisje dhe materiale të vjedhura
24 Nëntor, 21:21 -
Itali/ Shiste kokainë dhe hashash afër shkollave të Milanos, arrestohet 20-vjeçari shqiptar! I sekuestrohen drogë dhe euro cash
24 Nëntor, 21:06 -
SHBA/ Trump emëron Brooke Rollins në krye të Departamentit të Bujqësisë
24 Nëntor, 19:16 -
E ardhmja e NATO-s dhe qëndrimet e Trump
24 Nëntor, 17:30 -
Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali
24 Nëntor, 09:15 -
Itali/ Zbulohet 'streha e drogës', gjenden 76 kg kokainë, pakot dorëzoheshin me furgon! Mes 2 të arrestuarve 1 shqiptar
24 Nëntor, 08:59 -
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37
