Covid-19, Karantinë apo jo? Europa pa një rregull të përbashkët

Pa një rregull të përbashkët. Kështu po ecin vendet e Evropës në fazën 2 të pandemisë ndërsa kurba e infeksionit është lënë prapa dhe të gjithë po përgatiten për stinën e verës.

Karantina në Mbretërinë e Bashkuar

Karantinë e detyrueshme 14-ditore për ata që hyjnë në MB nga 8 qershori, edhe pa ndonjë simptomë. Masa, e cila synon të mos rrisë numrin e mundësive të infektimit, vlen për të mbërriturit nga çdo vend, përveç Irlandës, dhe do të rishikohet çdo tre javë.

Drita jeshile për masën, e paralajmëruar tashmë nga Boris Johnson, u konfirmua nga ministri i brendshëm, Priti Patel, në konferencën e përditshme për shtyp në Doëning Street.

"Ne do të bëjmë kontrolle në vend deri në mes të qershorit për t'u siguruar që njerëzit të izolohen. Ata nga jashtë që refuzojnë mund t'u mohohet hyrja." Për ata që nuk respektojnë dispozitat ka gjobë deri në 1000 paund.

Në Francë dhe Itali kufijtë janë të hapur për qytetarët e BE-së

Ndërkohë, në Francë tempretaturat e larta kanë mbushur plazhet dhe fshatrat bregdetarë, duke rritur paralelisht edhe kontrollet e policisë. Në fundjavën e parë pas bllokimit të gjatë, masat për parandalimin e infeksionit janë në fuqi kudo, nga distanca fizike e deri te përdorimi i maskave. Sa i përket kufijve, Franca nuk do praktikojë karantinë për ata që kthehen nga ndonjë vend i BE. Në Itali kufijtë do të jenë të hapur për qytetarët e BE-së nga 3 qershori.

Në Portugali turistët janë të mirëpritur, në Spanjë jo

Më në fund, në Portugali, filloi faza e dytë, me rihapjen e bareve, restoranteve dhe kategorive të shumta të bizneseve, ndërsa një hapje e mëtejshme pritet të fillojë më 6 qershor. Ndërkohë, Ministri Portugez i Jashtëm thotë se mirëpret turistët. Aeroportet e Lisbonës dhe Porto gradualisht do jenë të hapur.

Në Spanjë, kufijtë janë ende të mbyllur dhe po praktikohet karantinë për ata që kalojnë kufijtë. Qeveria do të mbajë dyert e saj të mbyllura për turistët gjatë gjithë muajit qershor, dhe mbetet situata e paqartës për pushimet e korrikut dhe gushtit.

/Shqiptarja.com

TAG:
• BE
• Spanja
• itali
• Franca
• Mbreteria e Bashkuar
• covid