Pika doganore e Morinës vijon të përmbush më së miri detyrimet për transportin e mallrave pa pengesa me Kosovën dhe Maqedoninë e Veriut. Gjithashtu në këtë doganë nuk ka kalim të njerëzve nën asnjë anë të kufirit dhe të gjithë vijojnë të jenë të karantinuar. Të vetmet lëvizje në njerëz janë të atyre pacientëve që të veriut të Shqipërisë që bëjnë dializën në Prizren dhe Gjakovë.
Sipas vendimit të dy qeverive, në doganën e përbashkët Morinë lejohen vetëm mjetet e transportit të mallrave. Madje leje kalimi në dy anët e kufirit është e kushtëzuar për çdo mjet të transportit të mallrave të ketë vetëm një person, përkatësisht shoferi i mjetit pa shoqërues. Në drejtim të Kosovës ka më tepër automjete të transportit të mallrave ndërsa procedura e kontrollit është nën masa të rrepta sigurie.
Në pikën e përbashkët kufitare Shqipëri-Kosovë në Morinë, gjatë inspektimit ishin Kryeinspektor i Përgjithshëm i Inspektoratit Qendror të Shqipërisë, Shkëlqim Hajdari, Kryetarët e Bashkisë Kukës dhe Komunës së Prizrenit, Prefekti i Qarkut Kukës, Zenel Kuçana, Ambasadori i Shqipërisë në Kosovë, Qemal Minxhozi si dhe drejtuesit e dhomës së tregtisë dhe industrisë të Shqipërisë dhe të Odës Afariste të Kosovës.
Kryeinspektor i Përgjithshëm i Inspektoratit Qendror të Shqipërisë, Shkëlqim Hajdari tha se ky takim është i rëndësishëm dhe se Morina duhet të jetë pikë e cila përmbush më së miri detyrimet mes të dyja vendeve, në këtë kohë krize.
“Jemi të lumtur pasi konstatojmë që Morina vazhdon te jetë një pikë e cila po përmbush më së miri detyrimet që ka në këtë situatë të virusit. Do të thotë vazhdon qarkullimi i lirshëm i mallrave. Si ato që importon Kosova, dhe si ato që vijnë nga Kosova në Shqipëri. Sigurisht autoriteti Kombëtar i ushqimit, inspektorati shëndetësor, drejtoria e higjienës vazhdojnë inspektimet e tyre që në Shqipëri të futen mallra normal dhe në Kosovë të futen mallra me standarde. Kjo është një pjesë e sigurt. E dyta, jemi të lumtur që pjesët e këtyre dy anëve, që shqiptarët e Shqipërisë që punojnë në Kosovë, dhe qytetarët e Kosovës që punojnë në Shqipëri po zbatojnë karantinimin po rrinë në territoret e tyre dhe po sakrifikojnë dhe nuk ka dyndje. Do të ketë lehtësira në transportin e mallrave mes dy vendeve”, tha Hajdari.
Ambasadori i Shqipërisë në Kosovë, Qemail Minxhozi tha se në këtë situatë pandemie duhet të minimizohen gjitha problematikat që mund të jenë në zonën doganore mes Shqipërisë e Kosovës.
“Është e rëndësishme që për popullatën e Kosovës nuk ka munguar asnjëherë furnizimi me të gjitha materialet që vijnë nga porti i Durrësit. Vë në dukje që sot Kosova merr 70 % të gjithë artikujve të rëndësishëm jo vetëm industrial por edhe ushqimor mes kufirit të Shqipërisë. Dhe qytetarët e Kosovës ndihen të sigurt që porti i Durrësit është edhe porti i tyre që në këto dite po punon me intensitet të plot që të mos mungojë asgjë në këto kohë”, u shpreh Minxhozi.
Që nga fillimi i muajit prill, 1209 kamionë komercial kanë hyrë në Kosovë, ndërsa ne dalje kanë qenë 1315.
Komente
Lajme të tjera
-
Kosovë/ Stacioni policor në Zveçan sulmohet me dy granata dore
27 Nëntor, 10:50 -
Kolumbi/ Vjosa Osmani pritet me nderime të larta ushtarake në Pallatin Presidencial nga homologu Gustav Petro
27 Nëntor, 10:07 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Dëshmitë e krimit, Kosova bëhet me muze të të mbijetuarve të dhunës seksuale gjatë luftës
26 Nëntor, 22:29 -
E keni njohur Kosovën! Nervozohet Vuçiç: Nuk është thënë kurrë, nuk dua 'Serbinë e Madhe'
25 Nëntor, 21:18 -
Kosova po ndërton stacione të reja policore në veri, kryeministri Albin Kurti e konfirmon: Do shërbejë Policia Kufitare!
25 Nëntor, 12:11 -
Kosovë/ Ministri i Financave akuzon Prokurorinë Speciale se po lufton Kurtin e motivuar politikisht
24 Nëntor, 17:21 -
Vuçiç mesazh kërcënues: Jeta është luftë, Serbia do të fitojë
24 Nëntor, 12:42 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32
Bravo Çim Hajdari njeri i punes dhe i ndershem si qelibari. Njelloj si ne kohen kur ishe prokuror
Përgjigju