POP 5

Lajmet më të lexuara të 5 minutave të fundit

Shëndeti

COVID-19 në Durrës/ 6 viktima për dy javë, 15 të shtuar në spital! Të infektuarit të pavaksinuar, të rinjtë: Jo vaksinim me detyrim

Në dy javët e para të nëntorit kanë humbur jetën 6 qytetarë të Durrësit, ndërsa disa të tjerë janë duke luftuar për jetën në spitalin COVID. Pjesa më e madhe e viktimave si dhe të sëmurëve në gjendje të rëndë, janë të pa vaksinuar. Megjithatë të rinjtë ende hezitojnë të marrin vaksinën që të mbron nga COVID-19.

Durrësi është ndër qytetet më të prekura nga pandemia e Covid-19, por vala e katërt ende e pandemisë ende nuk ka mbërritur. Kështu shprehet drejtoresha e Njësisë Vendore të kujdesit shëndetësor Durrës, Aurora Hyka.

"Aktualisht jemi në situatë lehtësisht të menaxhueshme, sepse ka pasur muaj kur Durrësi shkonte në 800 raste ditore, ndërsa aktualisht kemi 370 raste aktive ditore, ndërsa 15 janë të hospitalizuar në spitalin infektiv", tha Hyka.

Aktualisht në spitalin COVID në Tiranë po marrim mjekim 15 pacientë nga Durrësi, por ajo ç'ka është më shqetësuese, fakti se në dy javët e para të muajit nëntor kanë humbur jetën 6 qytetarë, të gjithë të pa vaksinuar.

"Infektime kemi edhe në radhët e të vaksinuarve, por janë shumë herë më të mbrojtur, rastet që janë në spital sot janë të pa vaksinuar, ose që kanë bërë një dozë, sepse nuk kanë arritur të kenë mbrojtje të plotë. Nga 2 marsi kur ka nisur procesi i vaksinimit, prirjen, dëshirën më të madhe e kanë pasur për të marrë vaksinën mosha e dytë dhe e tretë, ndërsa mosha 18+ e kanë bërë vetëm për shkak të detyrimit për të hyrë në universitet", u shpreh Hyka. 

Pasaporta jeshile e vaksinës është detyrim për të marrë shërbime në shumë shtete të Europës, por në Shqipëri ende jo. Qytetarët e Durrësit janë të ndarë në qëndrimet e tyre, sa i përket vaksinimit të detyruar dhe frekuentimin e mjediseve publike me pasaportë vaksinimi.

Në bashkitë Durrës dhe Shijak janë vaksinuar 52 për qind e popullsisë, por vihet refuzim nga të rinjtë. Ndërsa në radhët e fëmijëve janë kryer 20 vaksinime, kryesisht ata vuajnë nga patologji të ndryshme.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ilir: 18/11/2021 06:15

    E tmerrshme shkalla e injorances mes te rinjve shqiptare!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Karambolohen dy autoveturat në Korçë-Pogradec, plagosen 2 pasagjerët

Karambolohen dy autoveturat në Korçë-Pogradec, plagosen 2 pasagjerët

25 Dhjetor, 17:20