Covid-Kosovë/ Regjistrohen 194 raste të reja dhe 4 viktima nga infeksioni! 71 pozitivë në Kroaci

Situata e pandemisë e shkaktuar nga Covid-19 vazhdon të mbetet shqetësuese në Rajonin e Ballkanit.

Ministria e Shëndetësisë në Kosovë raportoi sot se gjatë 24 orëve të kaluara u regjistruan 194 raste të reja infeksioni koronavirusi.

Sipas deklarimeve, numri i përgjithshëm i personave të identifikuar pozitiv, që prej fillimit të pandemisë është rritur në 7846

Gjithashtu autoritetet thanë se janë regjistruar edhe 4 viktima, për një total prej 196 vdekjesh. Sot në Kosovë ka humbur jetën prej infeksionit edhe një mjek nga Prizreni. Gjithashtu në vend ka patur sot edhe 138 të shëruar, për një total prej 4267 ish pacientë

Dje Kosova regjistroi 239 raste të reja të identifikuar me infeksionin e koronavirusit.

Pandemia në Kroaci

Kroacia ka regjistruar në 24 orët e fundit 71 persona të identifikuar pozitiv me koronavirus. Gjithashtu në vend u raportua edhe për 1 viktimë.

Numri i përgjithshëm i të prekurve nga infeksioni, që nga fillimi i pandemisë është rritur në 4993 raste, për një total prej 141viktimash, kurse totali i të shëruarve është 4100

TAG:
• kosove
• Kroaci
• Ballkan
• Koronavirus