Covid/Kryeministri francez: Parisi jo më 'zonë e kuqe', por rreziku nga koronavirusi ende mbetet! Zgjerohet lehtësimi i masave

Kryeministri francez, Edouard Philippe, njoftoi se vendi tij po kalon në fazën e dytë të lehtësimit gradual të masave, dhe se zona e Parisit nuk konsiderohet më një "zonë e kuqe" për përhapjen e koronavirusit.

Philippe shtoi gjithashtu se rreziku ekziston ende për 67 milionë qytetarë francezë dhe pasi të lehtësohen masat, qeveria do t'i kushtojë vëmendje të veçantë të dhënave të autoriteteve shëndetësore.

"Shumica e ngjarjeve sportive do të mbeten të pezulluara deri më 21 qershor, kinematë duhet të hapen më 22 qershor dhe shteti do të shpejtojë një plan për hapjen e shkollave të mesme në të gjithë vendin", tha Philippe.

Restorantet, kafenetë dhe plazhet do të jenë të hapura nga 2 qershori.

Më shumë se 28.500 njerëz kanë vdekur në Francë nga efektet e sëmundjes COVID-19, që e shkakton koronavirusi i ri. Deri më tani, numri i përgjithshëm i të infektuarve ka arritur në më shumë se 182,000.


Lajmi kryesor:

Covid, në Itali regjistrohen 87 viktima dhe 2240 të shëruar...Rastet pozitive në botë në pragun e 6 milionë


I.C./Shqiptarja.com
  • Sondazhi i ditës:

    A ju duket i drejtë vendimi i BE për të mos hapur kufijtë me Shqiperinë pas 1 korrikut?



×

Lajmi i fundit

John

Shfaqja e turpshme në Bylis-Tirana: Ja foto që po bën xhiron e rrjetit dhe po njollos imazhin e futbollit shqiptar