"Nga sot, e gjithë Franca është zonë e gjelbër": njoftoi Presidenti i Republikës, Emmanuel Macron, në një fjalim televiziv në të cilin ai konfirmoi edhe lehtësimin e masave të izolimit dhe bllokimit.
"Kriza e koronavirusit ka treguar se sa e varur Franca dhe pjesa tjetër e Evropës janë nga zinxhirët e furnizimit nga Kina dhe pjesët e tjera të botës. Ky tundim ka treguar mangësi dhe dobësi: varësia jonë nga kontinentet e tjera në sigurimin e disa mallrave,” tha Macron duke përmendur se ai dëshiron që Evropa të marrë një mësim nga kjo.
“E vetmja përgjigje është të ndërtojmë një model të ri, më të fortë ekonomik, dhe më shumë punë dhe prodhim në mënyrë që të mos jemi të varur nga të tjerët.”
Presidenti Macron njoftoi se ai do të shpejtojë planet për hapjen e vendit dhe zbutjen e masave të paraqitura për të parandaluar përhapjen e virusit.
Emmanuel Macron ka njoftuar për lehtësim të një morie masash, të zbatuara me qëllim të luftimit të koronavirusit.
Nga dita e hënë, kafenetë dhe restorantet mund të hapen në Francë, si dhe do të lejohet udhëtimi në shtetet tjera të Bashkimit Evropian.
Banorët e këtij shteti do të mund të vizitojnë anëtarët e familjes, që jetojnë në shtëpi kujdesi, të cilat janë goditur rëndë nga pandemia me koronavirus.
Ky vendim ka ardhur teksa një numër shtetesh në Evropë kanë rihapur kufijtë e tyre në mes të bllokut evropian nga dita e hënë.
Përmes një adresimi televiziv, Macron ka thënë se Franca ka arritur “fitoren e parë”, mirëpo ka paralajmëruar për kthim të mundshëm të virusit.
“Prej nesër, ne do të jemi të gatshëm të nisin një kapitull të ri në territorin tonë”, ka thënë ai të dielën.
Macron ka konfirmuar se nga dita e hënë do të hapet edhe gjithë rajoni i Parisit, i cili ka regjistruar numrin më të madh të rasteve të prekura me sëmundjen Covid-19, që shkakton ky virus.
Presidenti francez ka njoftuar se edhe shkollat do të rihapen nga 22 qershori, përveç për nxënësit e shkollave të mesme.
“Vera e 2020-ës do të jetë si asnjë tjetër dhe neve do të na duhet të vëzhgojmë zhvillimin e pandemisë, në mënyrë që të jemi të përgatitur me fuqi të reja, në rast se virusi kthehet sërish”, ka deklaruar Macron.
Sipas të dhënave të Universitetit Johns Hopkins, më shumë se 29,400 persona kanë vdekur si pasojë e këtij virusi, derisa autoritetet franceze kanë regjistruar 194,000 raste të infektimit.
Komente
Lajme të tjera
-
Ambasadori amerikan Hovenier përfundon mandatin: Po largohem si një mik i fortë i Kosovës
27 Dhjetor, 11:03 -
Putin: Biden propozoi shtyrjen e pranimit të Ukrainës në NATO në 2021
27 Dhjetor, 09:03 -
Universitetet amerikane u bëjnë thirrje studentëve të huaj të kthehen përpara inaugurimit të Trump
27 Dhjetor, 08:51 -
Ministrat e kryeministrit kanadez Trudeau në Florida për bisedime me ekipin e Trump
27 Dhjetor, 07:57 -
Donald Trump tallet përsëri me kryeministrin Trudeau dhe 'emëron' ish-lojtarin e hokejit si guvernatorin e ri të Kanadasë!
26 Dhjetor, 19:08 -
‘Studio Live’, avokati Islami: ‘Berisha do arrestohet, non grata s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!
26 Dhjetor, 18:14 -
Ish-diplomati amerikan paralajmëron: SHBA-ja nuk do të ketë më qasje tradicionale ndaj Kosovës dhe Serbisë
26 Dhjetor, 15:27 -
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Realizohet me sukses teleportimi i parë kuantik, na afron më shumë me të ardhmen!
25 Dhjetor, 21:44 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34
