Covid/Rusi, regjistrohen rreth 7000 raste të reja infeksioni në 24 orë

Numri i të diagnostikuarve me infeksionin e COVID-19 deri më tani në Rusi ka shkuar në 627.646, ndërsa bilanci i viktimave ka arritur në 8.969.

Qendra për Kontrollin dhe Parandalimin e Infeksioneve të Koronavirusit njoftoi se në 24 orët e fundit janë diagnostikuar 6.852 raste të reja me virusin dhe 188 të vdekur.

Numri i të shëruarve ka arritur në 393.352, me 9.200 të shëruar në 24 orët e fundit.

Në Moskë janë regjistruar 750 raste të reja, duke e çuar shifrën e përgjithshme në 219.354, ndërsa numri i të vdekurve në kryeqytetin rus ka mbërritur në 3.714, me 20 viktima të reja.

Nga ana tjetër, Shërbimi i Shëndetit Publik bëri të ditur se deri më tani në Rusi janë kryer mbi 18,7 milionë teste, përfshirë 305 mijë teste brenda 24 orëve të fundit.

Kryetarja e Agjencisë Federale Ruse të Turizmit (Rosturizm), Zarina Doguzova, bëri të ditur se nga 1 korriku, në 67 rajone të Rusisë në të cilat u zbatuan kufizime në kuadër të masave kundër COVID-19, do të hapet sezoni i turizmit.

Lajmi kryesor:

Covid/ Ulet numri i vdekjeve në Itali, regjistrohen 8 viktima! Rekord në SHBA, 40 mijë raste të reja infeksioni në një ditë

TAG:
• SHBA
• brazili
• amerika latine
• Koronavirus
• covid
• pandemia