Kontrata
Duke u bazuar në marrëveshjen e firmosur në krye të herës me qeverinë shqiptare kompania angleze ka marrë një penalizim prej 10% në pagesën e këstit te radhës. Në marrëveshje ishte parashikuar se në rast se Crown Agents nuk realizon planin e te ardhura do të ndëshkohet me një formë te tillë në pagesë.
Pra ne këstin e radhës duke qenë se nuk ka realizuar planin e të ardhurave qeveria shqiptare më konkretisht Ministria e Financave i ka zbritur 10%. Në këtë mënyrë kompania angleze që asistoi doganat ka marrë më pak para sesa kishte rënë dakord kjo për arsye të marrëveshjes që ka firmosur vetë me doganat shqiptare. Megjithatë duket se në momentin kur të ketë përfunduar periudhën 24 mujore të kontratës ekspertët dhe specialistët anglezë do t’i japin fund misionit të tyre në Shqipëri, pa shansin për të zgjatur më tej kontratën.
Të pakënaqur
Qeveria shqiptare pranzoi zyrtarisht pak muaj më parë se bashkëpunimi me kompaninë “Crown Agents” nuk dha rezultatet e pritshme, me treguesit e të ardhura ndjeshëm nën shifrat e planifikuara. Në një letër dërguar Fondit Monetar Ndërkombëtar, Qeveria theksonte se të ardhurat nuk janë rritur në nivelet e planifikuara. “Bumi në rritjen e të ardhurave që pritej në kohën e nënshkrimit të marrëveshjes nuk është realizuar ende.
Problemi qëndron në zbatimin jo-konsistent të rregullave dhe procedurave të vlerësimit, dhe të informaliteti”, theksohej në letrën që mban firmat e Ministrit të Financave Shkëlqim Cani, Guvernatores në detyrë e Bankës së Shqipërisë Elisabeta Gjoni dhe Ministrit të Ekonomisë Arben Ahmetaj.
Akciza e taksa doganore
Mosrealizimi i të ardhurave si pas planit vërehet edhe nga të dhënat zyrtare të Ministrisë së Financave. Nga “Treguesit Fiskalë Sipas Buxhetit të Konsoliduar Janar-Dhjetor 2014” rezultoi një mosrealizim prej -8.1% i akcizës, një prej taksave më me peshë në buxhet, ndërkohë që mosrealizim prej -1.5% shënoi dhe taksa doganore.
Që të dyja këto taksa grumbullohen nga administrata doganore, nën asistimin e kompanisë së huaj “Crown Agents”. Ndërkohë që gjërat nuk kanë shkuar mirë për këtë taksë edhe në gjashtë muajt e parë të vitit 2015, ku mosrealizimi nga kjo taksë ka bërë që në arkën e shtetit të mungojnë 56 milionë dollarë më pak se plani.
Redaksia Online
(a.h/shqiptarja.com)
![](https://www.shqiptarja.com/template/img/sh_logo1.png)