POP 5

Lajmet më të lexuara të 5 minutave të fundit

Arkiva

Çuçi nga Burreli: Opozita të bëhet pjesë e proçesit për reformën territoriale

  TIRANË, 28 Qershor /ATSH- I. Vata/-Ministri i Shtetit për Çeshtjet Vendore, Bledi Çuçi në vijim të konsultimeve për reformën administrative- territoriale, ka vijuar të shtunën takimet me shoqërinë civile në qytetin e Burreli. Ai i ka bërë thirrje opozitës që të bëhet pjesë e proçesit të reformës territoriale duke deklaruar se mirëpresin çdo opsion […]
 

TIRANË, 28 Qershor /ATSH- I. Vata/-Ministri i Shtetit për Çeshtjet Vendore, Bledi Çuçi në vijim të konsultimeve për reformën administrative- territoriale, ka vijuar të shtunën takimet me shoqërinë civile në qytetin e Burreli.
Ai i ka bërë thirrje opozitës që të bëhet pjesë e proçesit të reformës territoriale duke deklaruar se mirëpresin çdo opsion konkret të propozuar nga opozita për ta diskutuar.
Po ashtu, Çuçi u shpreh se "edhe për qytetet e vogla që ekzistojnë sot nuk do të humbin identitetin, qyteti do rrijë ashtu siç është, komuna do rrijë si territor ashtu siç është, por administrata do përqëndrohet dhe shërbimi do ofrohet nga një administratë e përqëndruar. Krijimi i një bashkie të madhe, në rastin konkret të Matit, nuk do të thotë që Klosi do humbë identitet"
Ministri Çuçi, u është përgjigjur interesit të shoqërisë civile dhe të qytetarëve në qytetin e Burrelit për riorganizimin e njësive të qeverisjes vendore dhe projekt-hartat e propozuara.
Çuçi, e ka konsideruar të suksesshëm, takimin konsultues në Mat, duke pohuar se  "se takimi me shoqërinë civile dhe qytetarët në Burrel, ishte mjaft informues dhe bashkëpunues për të ardhmen e qeverisjes vendore në këtë zonë. Reforma territoriale është një domosdoshmëri e identifikuar nga vetë pjesëmarrësit për t'i dhënë jetë dhe mirëqënies së të gjitha qyteteve dhe fshatrave"./a.g/

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kosova mbyll dy ndërmarrje publike serbe në veri! Sveçla: Grumbullonin pagesa në mënyrë të paligjshme!

26 Dhjetor, 21:13