KROACI - Kryeqyteti kroat Zagrebi është mbuluar nga dëbora e cila ka arritur deri në 40 centimetra.

Kushtet atmosferike janë përkeqësuar në orët e fundit ndërsa mediat konstatojnë se një ditë e tillë dimri dhe dëbore nuk është parë që prej vitit 1955.

Më shumë se 200 borëpastruese janë dërguar në rrugë për të mundësuar kalimin e automjeteve ndërsa linjat e transportit publik përfshirë autobusët dhe tramvajet ishin të bllokuara.

Aeroporti i Zagrebit u detyrua të pezullonte përkohësisht fluturimet ndërsa mbetet në gjendje emergjence.

(dm/Gre.M/Shqiptarja.com)