POP 5

Lajmet më të lexuara të 5 minutave të fundit

Arkiva

Dëshmitari: Breivik  i droguar
para sulmit vdekjeprurës

Norvegjezi Anders Breivik ka përdorur stimulantë para sulmi vdekjeprurës të 22 korrikut ku 77 vetë humbën jetën dhe 242 të tjerë u plagosën.
Ky fakt u theksua gjatë procesit të sotëm gjyqësor që po zhvillohet në Oslo.
OSLO- Norvegjezi Anders Breivik ka përdorur stimulantë para sulmi vdekjeprurës të 22 korrikut ku 77 vetë humbën jetën dhe 242 të tjerë u plagosën.
Ky fakt u theksua gjatë procesit të sotëm gjyqësor që po zhvillohet në Oslo.
Eksperti i toksikologjisë dhe mjekësisë ligjore, Joerg Moerland, deklaroi në cilësinë e dëshmitarit se vrasësi kishte marrë një përzierje ephedrine, kafeine dhe aspirine.
“Mund të thuhet se ai ishte lehtësisht ose mesatarisht i droguar. Substanca ka luajtur një rol stimulues në veprimet e tij”, deklaroi eksperti gjatë procesit.
Breivik ka pranuar përgjegjësinë e sulmit me bombë në Oslo dhe atë me armë në Utoja, ku 77 persona mbetën të vrarë dhe 242 të plagosur, por mohon përgjegjësinë kriminale për këto veprime.
Gjatë gjyqit, do të vlerësohet edhe nëse autori i masakrës më të rëndë në kohë paqeje në Norvegji, është i aftë mendërisht.
Ky vendim do të përcaktojë nëse 33-vjeçari do të vuajë dënimin që do të marrë në një burg të sigurisë së lartë apo në një institucion të shëndetit mendor.
Një javë më parë, Breivik i vendosi kusht gjykatës se do të pranonte dënimin vetëm nëse shpallej I aftë mendërisht.
Gjatë gjyqit të së enjtes, u dhanë edhe prova bindëse kundër pretendimeve të Breivik se është pjesë e një grupi anti-musliman radikal europian. Sipas të gjitha gjasave të policisë norvegjeze, ai ka vepruar tërësisht i vetëm.
(ns/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55