Dalin pamjet e arrestimit të Besmir Xhixhës dhe Enver Divës, të përfshirë në atentatin e vëllezërve Haxhia në Durrës

Policia ka reaguar zyrtarisht për arrestimin e Enver Divës dhe Besmir Xhixhës si të përfshirë në vrasjen e vëllezërve Haxhia në Durrës në prill të vitit të kaluar.

Në kuadër të operacionit 'Vazhdimi' policia ka prangosur Besian Xhixhën, 30 vjeç, banues në Larushk, Krujë dhe Enver Diva, 42 vjeç, banues në Fushë Mamurras, Kurbin.

Për këta shtetas, Gjykata e Posaçme Kundër Korrupsionit dhe Krimit të Organizuar ka caktuar masën e sigurisë "Arrest në burg", për veprat penale "Sigurimi i kushteve dhe mjeteve materiale për të kryer vrasje" , kryer në bashkëpunim dhe "Mashtrimi".

Nga hetimet e kryera dyshohet se këta shtetas, në bashkëpunim me njëri tjetrin, kanë krijuar dhe siguruar mjetet për kryerjen e vrasjes së shtetasve B. H. dhe V. H. (vëllezër).

Nën drejtimin e SPAK-ut vijon puna për zbardhjen dhe dokumentimin e plotë të kësaj ngjarjeje dhe kapjen e personave të tjerë të implikuar. 

Materialet do t’i dërgohen Gjykatës së Posaçme Kundër Korrupsionit dhe Krimit të Organizuar.


Lajmi kryesor:

Ekzekutimi i vëllezërve Haxhia në Durrës, në pranga dy vrasësit me pagesë! Ranë dakord të kryenin atentatin, por njëri prej tyre u tërhoq pasi u infektua me COVID


M.Q./Shqiptarja.com
  • Sondazhi i ditës:

    A zgjidhet kriza në PD me një garë të re për kryetar?



×

Lajmi i fundit

John

Vrasja e ish-deputetit në Shkodër, policia shoqëron disa banorë të zonës! Autori dyshohet se ka vëzhguar lëvizjet e Pashko Ujkës prej disa ditësh! Familjarët mohojnë konfliktet